Ngeche 23:7 - MUMA MALER 2015

⁷ Onyalo wachoni ni mondo ichiem kode, to ng’e malong’o ni owuondi awuonda. Ochalo yier momoko e dwondi,

Motingʼo Loko Manyien

⁷ nimar en ngʼat mosiko paro nengo mochul. Owachoni niya, “Chiem kendo methi,” to chunye ok ni kodi.

Ngeche 23:7 ပူးပေါင်းရင်းမြစ်များ

Zaburi 12:2

Ji duto riambo ni jowetegi, kendo ng’ato ka ng’ato wuondo wadgi gi weche manono.

Zaburi 55:21

En jambola, to chunye opong’ gi sigu. Adier, wechene yom ka mo, to kara gibitho mana ka ligangla mowuodhi e olalo!

Ngeche 19:22

Enn wichkuot bedo jawuoro. Bedo jachan too ber moloyo bedo jamriambo.

Ngeche 26:23

Weche mamit mawuok e chuny marach chalo gi agulu mochue marachrach, to owir gi range mang’ang’ni.

Ngeche 26:24

Jasigu nyalo wuoyo kodi mamit gi dhoge, to chutho chunye maiye wuondi awuonda.

Ngeche 26:25

Kata obedo ni wechenego mit kamano, to kik iyie kode, nikech chunye sigu opong’o.

Daniel 11:27

Bang’e ruodhi ariyogo nobed piny mondo ochiem kaachiel, to ginibed ka gin gi paro maricho. Omiyo giniwuondre, kendo ok giniyud gima gidwaro, nimar kinde ma Nyasaye oketo pok ochopo.

Luka 7:39

To kane ja-Farisai mane oluongo Yesu e odeno oneno kamano, nowacho e chunye niya, “Ka da ng’atni en janabi adier, to da ong’eyo ni dhako ma muleni en ng’a! Bende dong’eyo ni en jaricho.”

Jong’ad Bura 16:15

Bang’e Delila nochako openje niya, “Ang’o momiyo iwuonda ni ihera, to chutho ok ihera? Koro isewuonda nyadidek, to pod ok inyisa kuma tekoni aye.”