Ngeche 22:8 - MUMA MALER 2015

⁸ Ng’at matimo timbe mamono nyaka yud masira, kendo e giko ibiro kume mager.

Motingʼo Loko Manyien

⁸ Ngʼatno mochwowo timbe richo kayo thagruok, to ludhe mar mirima ibiro ketho.

Ngeche 22:8 ပူးပေါင်းရင်းမြစ်များ

Ayub 4:8

Aseneno ni joma puro richo, kendo chwoyo timbe maricho kayo mana gik ma kamago.

Zaburi 125:3

Joricho ok nobed gi loch ngang’ kuom piny joma kare. Ka gibedogo, to joma kare giwegi ditim richo.

Ngeche 1:31

Kuom mano, unuyud gima owinjore kodu, kendo timbeu uwegi noromu!

Ngeche 14:3

Weche ng’at mofuwo kelone mana kum. Weche ng’at mariek to konye e thagruok.

Isaya 10:25

nimar piyopiyo nono mirima ma koro omaka kodu biro rumo, to gin ema abiro kecho kodgi mi atiekgi.

Isaya 10:5

Ruodh Asuria e luth ma agoyogo ji ka akecho. Ee, en e luth ma akumogo ji ka mirima omaka.

Isaya 14:29

Yaye un jo Filistia kata obedo ni luth mane goyou osetur kamano, to kik ubed mamor, nimar nyathi thuol nobed mager moloyo wuon, kendo nobed ndemu man gi kwiri marach!

Isaya 30:31

Kihondko nomak jo-Asuria ka giwinjo dwond Ruoth Nyasaye, kendo ka ogoyogi gi ludhe.

Isaya 9:4

Mano notimre nikech ibiro turo jok ma giting’o, kaachiel gi luth misandogigo, mana kaka nitimo e ndalo mane olo jo-Midian.

Hosea 10:13

To kar timo kamano, ne uchuoyo mana timbe maricho, mi richo ema ukayo, kendo usechamo olemo ma miriambou onyago. “To nikech ne ugeno yoreu uwegi, kendo ne ugeno kuom jolwenju marateke mathoth,

Hosea 8:7

“Jo-Israel chwoyo yamo, to gikayo mana kalausi. Gin gi cham ma ok wuodhi, omiyo gionge gi mogo. To kapo ni onyago cham, to jopinje mamoko dichame, mi tieke.