Ngeche 22:7 - MUMA MALER 2015

⁷ Joma odhier gin wasumb jomwandu, kendo kiholo gimoro kuom ng’ato to nyaka idok misumbane.

Motingʼo Loko Manyien

⁷ Jochan gin wasumb jo-mwandu, to ngʼat moholo gimoro bedo misumba ngʼat mohole.

Ngeche 22:7 ပူးပေါင်းရင်းမြစ်များ

2 Ruodhi 4:1

Chieng’ moro, dhako moro ma chi liel, ma chwore ne achiel kuom oganda jonabi, notero ywak ir Elisha, kawachone niya, “Chwora osetho, kendo ing’eyo kaka ne en ng’at ma oluoro Ruoth Nyasaye. To jabendho osebiro mondo okaw nyithinda ariyo, olok wasumbe.”

Ngeche 14:31

Ng’at ma sando jachan, to chayo mana Nyasaye mane ochueye, to ng’at ma kecho jachan ema miyo Nyasaye duong’.

Ngeche 18:23

Jachan kawuoyo to ywagore. Jamoko to wuoyo mana gi gero.

Ngeche 22:16

Ka ithiro jochan mondo iyud mwandu, kata ka imiyo joma omew chiwo, to in ema ibedo jachan.

Ngeche 22:22

Kik iyak ng’at modhier mana nikech odhier, kendo ka odonj ni ng’at mathagore, to kik ithage,

Isaya 24:2

Chieng’no jadolo nobed maromre gi ji ajia, kendo misumba nobed maromre gi ruodhe. Jahon gik moko bende nobed maromre gi jang’iewo, kendo jahol ji nobed maromre gi ng’ama holo.

Amos 2:6

Ruoth Nyasaye owacho niya, “Un jo-Israel usetimo richo mang’eny, omiyo abiro kumou mak orem, nimar ung’iewo joma onge gi ketho, nikech pok gichulo gopegi. Joma odhier ma ok nyal chulo kata mana nengo patpat bende ung’iewo ka wasumbni.

Amos 4:1

“Winjuru, un mond Samaria machwe ka dhok makwayo e lege momew. Uthago joma onge teko, kendo usando joma odhier, bende ng’ato ka ng’ato kuomu rungo chwore, ka wacho niya, ‘Kelna gima anyalo madho!’

Amos 8:4

Winjuru un joma nyono jochan, kendo temo manyo joma odhier.

Amos 8:6

Wabiro uso cham maricho e nengo maber. Bang’e wanyalo ng’iewo joma odhier mondo obed wasumbni mana kuom nengo moromo patpat.”

Mathayo 18:25

To jatichno ne onge gi yo ma dichulgo gopeno, omiyo ruodhe nowacho ni mondo ong’iewe ka misumba, kaachiel gi chiege gi nyithinde kod gige duto, mondo ochulgo gowino.

Jakobo 2:6

To un usekuodo wi jachan! To donge jomwandu e joma thagou? Koso donge gin ema giywayou ka giterou e bura?

Jakobo 5:1

Koro un jomwandu, winjuru wachna! Ywaguru kendo gouru nduru nikech masiche mabiro makou.

Jakobo 5:4

To pok uchulo misach jotich mane okayonu cham. Winjieuru kaka giywak! Adier, ywak jokeyogo osechopo e it Ruoth Nyasaye Manyalo Gik Moko Duto.