Ngeche 22:6 - MUMA MALER 2015

⁶ Ka ipuonjo nyathi timbe mabeyo ka pod otin, to wiye ok nowil gi timgo e ngimane duto.

Motingʼo Loko Manyien

⁶ Puonj nyathi e yo monego odhiye, to ka obedo maduongʼ to ok obi baro oa kuome.

Ngeche 22:6 ပူးပေါင်းရင်းမြစ်များ

Chakruok 18:19

Aseyiere mondo ochik nyithinde kod nyikwaye oluw yorena ka gitimo timbe mabeyo kendo makare. Kamano natimne gik moko duto ma nasesingorane.”

Jo-Efeso 6:4

Un wuone, kik utim ni nyithindu gik ma dimi mirima makgi, to pidhgiuru kuchikogi kendo upuonjogi e yor Kristo.

Rapar mar Chik 11:19

Puonjuru nyithindu wechegi kendo twaguru kuomgi ka un e mier, kata kuwuotho e yo, kata kudhi nindo, kata kuchiew.

Rapar mar Chik 4:9

“To beduru kutang’ kendo neuru ni wiu ok owil gi gik museneno gi wang’u. Kik uwe gia e chunyu ka pod ungima, to hulgiuru ni nyithindu kendo ni nyikwau.

Rapar mar Chik 6:7

kendo puonjgiuru nyithindu. Bende twaguru kuomgi e mier, kata kuwuotho e yo, kata kudhi nindo, kata kuchiew gokinyi.

2 Timotheo 3:15

Bende ng’e ni nyaka ia e nyathi isebedo king’eyo weche manie Muma ma nyalo miyi rieko makeloni warruok, ka iyie kuom Kristo Yesu.

Jong’ad Bura 13:12

Eka Manoa nowachone niya, “Nyathino nobed nyathi machal nadi, ka weche miwachogo otimore? Wanarite nadi, kendo notim ang’o?”

1 Samuel 1:28

Emomiyo an bende achiwe ni Ruoth Nyasaye, mondo obed jatichne ndalo duto mag ngimane.”

1 Samuel 2:26

To nyathi ma Samuel nodongo, kendo Ruoth Nyasaye gi ji nomedo bedo mamor kode.