Ngeche 22:4 - MUMA MALER 2015

⁴ Bed ng’ama ok sungre, kendo luor Ruoth Nyasaye, eka iyud mwandu gi luor, kendo idag aming’a.

Motingʼo Loko Manyien

⁴ Bolruok kod luoro Jehova Nyasaye kelo mwandu gi luor kod dak amingʼa.

Ngeche 22:4 ပူးပေါင်းရင်းမြစ်များ

Ngeche 19:23

Luor Ruoth Nyasaye mondo idag aming’a gi kue maonge gima thagi.

Ngeche 21:20

Gik mabeyo opong’o dala ng’ama riek kendo odhi maber. Joma ofuwo to ketho mwandugi aketha piyopiyo.

Ngeche 21:21

Bed mang’won kendo ma jaadiera, mondo idag aming’a, eka ji nomiyi luor, kendo notimni maber.

Ngeche 22:3

Ng’at man gi rieko neno chandruok kabiro, kendo tang’. Ng’at ma riekone tin to mwomore amwoma e chandruok, eka achien oywago ang’e.

Ngeche 22:5

Obadho kod bugni nie yo ma jaricho luwo, omiyo ka ihero ngimani to bed mabor gi yorno.

Ngeche 29:23

Sunga ema miyo ji podho. Joma muol to yudo luor.

Ngeche 3:16

Rieko miyi idak aming’a, bende okeloni mwandu kod luor.

Ngeche 31:30

Ber mar wang’ wuondo ji. Adier, chia bende rumo, to dhako ma oluoro Ruoth Nyasaye ema yudo pak.

Isaya 33:6

kendo ubiro yiengoru kuome e ndalou duto. Rieko gi ng’eyo ema kelo resruok, kendo luor ma oluorgo Ruoth Nyasaye e mwandune!

Isaya 57:15

Ng’ama Duong’ Moloyo, ma nyinge Ng’ama Ler, kendo mosiko nyaka chieng’ wacho kama: “Adak kama ler kendo man malo, gi joma chunygi obolore kendo muol, mondo aduog chuny joma muol, kendo ajiw teko mar joma obolore.

Daniel 4:36

Kane parona oduogo, to loch mar piny gi luor kod teko ne oduogna. Jong’adna rieko gi jodonga nobiro ira, mi oduogna loch mogurore moloyo mane an go mokwongo.

Mathayo 6:33

To mokwongo dwaruru mondo Loch Nyasaye obedie, kendo utim gik ma Nyasaye dwaro, eka gigo duto nomednu.

1 Timotheo 4:8

Ing’eyo ni ka ng’ato oketo chunye kuom tuke mag rieyo del, to mano konye mana e yore moko kende, to ka ng’ato oketo chunye kuom luoro Nyasaye, to mano konye e yore duto nikech okelone gueth e ngima ma sani, kendo e ngima mabiro bende.

Jakobo 4:10

Bolreuru e nyim Nyasaye, eka enoting’u malo.

Jakobo 4:6

To ng’wono ma Nyasaye ochiwo ni dhano duong’ moloyo nyiego. En mana kaka Muma owacho niya, “Nyasaye miyo joma muol ng’wono, to odagi josunga.”