Ngeche 22:17 - MUMA MALER 2015

¹⁷ Chik iti iwinj weche joma riek, kendo ket chunyi mondo imak rieko ma gipuonji,

Motingʼo Loko Manyien

¹⁷ Chik iti kendo iwinj weche mag jomariek; ket chunyi ne gima apuonjo,

Ngeche 22:17 ပူးပေါင်းရင်းမြစ်များ

Zaburi 78:1

Un joga, chikuru itu ni puonjna, mondo uwinj gima awacho.

Zaburi 90:12

Kuom mano, puonjwa wakwan ndalo ngimawa, mondo wabed gi rieko.

Ngeche 1:3

Ginyalo puonji dak gi rieko, kendo bedo jaadiera e yo makare kendo mowinjore.

Ngeche 23:12

Ket chunyi kuom puonjruok, kendo chik iti ni weche mag rieko.

Ngeche 24:23

Wechegi bende gin weche mane joma riek wacho. Ng’ado bura nyakonchiel nikech luoro wang’ en richo.

Ngeche 3:1

Wuoda, wiyi kik wil gi weche ma apuonji, to pile par gik ma anyisi mondo itim,

Eklesiastes 12:11

Weche mag joma riek chalo gi ludhe ma jokwath kwayogo rombe, kata ka musmande ma ogo matek. Nyasaye ma jakwadhwa achiel kende waduto, ema osechiwo wechego.

Eklesiastes 7:25

To kata kamano, ne aketo chunya mondo apuonjra rieko. Ne adwaro yudo rieko mondo ang’ego tiend weche mane akia, kendo mondo afweny ni ng’at mofuwo en jaricho kendo janeko.

Eklesiastes 8:16

Kane aketo chunya mondo ayud rieko, kendo ang’e tiend gik matimore e piny, to ne afwenyo ni kata ka ng’ato osiko ka neno otieno gi odiechieng’ ma ok nindi,

Eklesiastes 8:9

Kane aparo gik moko matimore e piny ka, to ne aneno gigo duto, mi afwenyo ni ji moko nigi teko, kendo ji moko odak kathagore e bwogi.

Isaya 55:3

Biuru ira mondo uchik itu ni gima awacho. Adier, winjuru wachna mondo ubed mangima. Eka abiro timo kodu singruok mochwere, ka asingora ni abiro herou gi chunya duto, kaka ne ahero Daudi.

Mathayo 17:5

To kane pod owuoyo, bor polo marieny nobiro moumogi gi tipone, kendo ne giwinjo dwol moro ka wacho gie bor polo niya, “Ma e Wuoda mahero. Chunya mor kode. Winjeuru.”