Ngeche 21:8 - MUMA MALER 2015

⁸ Joketho wuotho e yo mogondore ogondore. Joma onge ketho to wuotho mana e yo moriere tir.

Motingʼo Loko Manyien

⁸ Yor ngʼat ma jaketho ogondore, to kit ngʼat makare oriere tir.

Ngeche 21:8 ပူးပေါင်းရင်းမြစ်များ

Chakruok 6:12

Noneno ni piny duto osenjawni, nikech ji duto nodak e richo.

Ngeche 15:26

Ruoth Nyasaye mon gi paro maricho, to weche mang’won long’one.

Ngeche 2:15

kendo gin joma yoregi ogajore ogajore.

Ngeche 21:9

Ber dak e kiru, moloyo dak e ot maduong’ gi dhako maralep.

Ngeche 30:12

Nitie ji moko ma paro ni ler, to adier pok opwodhgi.

Eklesiastes 7:29

To gima aseyudo bende, en mana ni, Nyasaye ne ochueyowa joma kare, to wan wawegi ema wasegajore gi paro mathoth.

Eklesiastes 9:3

Adier, gimoro achiel ema timore ni ji duto machalre, kendo mano rach moloyo gik moko duto maricho matimore e piny ka. E kinde duto ma ji ngima, to chunygi opong’ gi richo kod gik manono, to bang’e githo mana apoya.

Isaya 26:7

Yor ng’at makare oriere tir, nikech in ema iloso ni joma long’o yo ma onego giluw.

Isaya 59:8

Ok ging’eyo yo makelo kue, kendo adiera onge e timbegi. Bende yore duto ma giluwo ogondore ogondore, kendo ng’ama luwo yorego ok yud kue kata matin.

Daniel 12:10

Ji mang’eny ibiro pwodhi mondo gibed joma beyo kendo maler. Joma richo to wechegi ok nodonjnigi, kendo ginisik asika ka gitimo richo. Joma riek to wechegi nodonjnigi.

Mathayo 12:33

“Ka ng’ato dwaro olemo mabeyo, to nyaka obed gi yath maber. To ka en gi yath marach to oyudo mana olemo maricho, nikech yath ing’eyo mana gi olemo monyago.

Mathayo 5:8

“Joma onge gi richo e chunygi gin johawi, nikech ginine Nyasaye.

Tich Joote 15:9

Nopuodho chunygi nikech ne giyie kuome, kotimonigi mana kaka notimonwa.

1 Jo-Korintho 3:3

nimar pod uchalo joma onge gi Roho, nikech kapod nitie nyiego e chunyu, kendo udhaw e kindu uwegi, to adier mano nyiso ni pod uchalo gi joma onge gi Roho, kendo utimo mana timbe mag dhano.

Tito 1:15

Gik moko duto ler ni joma ler, to onge gimoro kata achiel maler ni joma okethore, kendo ma ok oyie. Parogi kod chunygi okethore.

Tito 2:14

En ema ne ochiwore owuon nikech wan, mondo oreswa e richo duto, kendo opuodhwa wabed joge moyiero, mondo watim timbe mabeyo.

Tito 3:3

Wan wawegi chon ne waonge rieko. Ne ok wawinjo wach, kendo ne wan joma ne olal. Ne wan wasumbini mag gombo mayoreyore mag ringruok, kendo pile ne wan gi ichlit gi nyiego e chunywa. Ne wamon gi jowetewa, kendo jowetewa bende ne mon kodwa.

Tito 3:5

nowarowa. Ne ok owarowa nikech tim makare moro amora ma wan wawegi ne wasetimo, to nowarowa mana nikech ng’wonone owuon. Nowarowa gi lwok mane Roho Maler okelonwago nywol manyien kod ngima manyien.

1 Johana 2:29

Ka ung’eyo ni en ng’at makare, to nyaka ung’e bende ni ng’ato ka ng’ato matimo gik makare en nyathi Nyasaye.

1 Johana 3:3

Ng’ato ka ng’ato man gi genoni kuom Kristo pwodhore owuon mondo obed maler, mana kaka Kristo bende ler.