Ngeche 20:7 - MUMA MALER 2015

⁷ Nyithindo ma wuon-gi jaadiera, kendo timo gik makare gin johawi.

Motingʼo Loko Manyien

⁷ Ngʼat makare nigi ngima ma ok ocha; nyithinde nigi gweth bangʼe.

Ngeche 20:7 ပူးပေါင်းရင်းမြစ်များ

Chakruok 17:7

“Anarit singruok ma asetimo kodi kendo gi nyikwayi e tienge mabiro, mi anabed Nyasachi kendo Nyasach nyikwayi nyaka chieng’.

Ayub 1:1

Ne nitie ng’at moro ma nyinge Ayub, mane odak e piny Uz. Ne en ng’at makare kendo maler, mane oluoro Nyasaye, kendo otang’ ni richo.

Zaburi 112:2

Nyithinde nobed madongo e piny. Ee, nyikwa ng’at maber noyud gueth.

Zaburi 15:2

Nyaka obed ng’ama oluoro Nyasaye e yore duto, kendo ma pile timo gik makare, bende ma wechene gin adier, kendo ma onge miganga.

Zaburi 26:1

A Ruoth Nyasaye, nyis ni aonge gi ketho, nikech atimo mana gik makare, kendo ageno kuomi chuth.

Zaburi 26:11

An to atimo mana gik makare, omiyo yie ikecha kendo iwara.

Zaburi 37:26

Kinde duto ong’won kendo oholo ji mabup. Mano ema omiyo nyithinde oguedhi.

Ngeche 13:22

Ng’at makare bedo gi mwandu moweyo ni nyithinde. Mwandu joricho to nodog ni joma kare.

Ngeche 14:2

Ng’at makare oluoro Ruoth Nyasaye. Ng’at ma achach to ochaye achaya.

Ngeche 14:26

Ng’at moluoro Ruoth Nyasaye nodag gi kue kaachiel gi joode.

Ngeche 19:1

Ber bedo jachan ma timne kare, moloyo bedo jamoko ma wechene obam.

Isaya 33:15

Ng’atno nyaka bed mana ng’at ma timbene oriere, kendo ma wacho adiera, bende ma ok dwar mwandu miyudo gi malang’, kendo ma riembo asoya kucha, bende ma dino ite ni weche mag chwero remo, kendo ma umo wang’e ni timbe mamono.

Jeremia 32:39

Abiro miyogi chuny achiel gi yo achiel mondo giluora nyaka chieng’, eka gidhi nyime maber kod nyikwagi bende.

Luka 1:6

Giduto ne gin joma kare e nyim Nyasaye, kendo ne girito chike duto mag Ruoth Nyasaye gi chunygi duto.

Tich Joote 2:39

Singruok mane Nyasaye osetimono, notimonu gi nyithindu, kod ji duto man kuma bor, tiende ni ng’ato ka ng’ato ma Ruoth Nyasachwa noluong ire.”

2 Jo-Korintho 1:12

To gimoro achiel mamiyowa mor en ni: wang’eyo malong’o e chunywa ni adier mar Nyasaye ema osetelonwa e kindwa gi ji, to moloyo to wasebet kamano mana kuom ng’wono mar Nyasaye, to ok kuom rieko mar dhano.