Ngeche 20:6 - MUMA MALER 2015

⁶ Ji mang’eny wuorore kendgi ni gin joma ogen, to temie ane ka diyud kata mana achiel ma inyalo geno!

Motingʼo Loko Manyien

⁶ Ji mangʼeny wacho ni gin gihera ma adiera; to ngʼat ma ja-adiera, en ngʼa ma diyude?

Ngeche 20:6 ပူးပေါင်းရင်းမြစ်များ

Zaburi 12:1

Ruoth Nyasaye, yie iresa, nimar onge joma oluori ma pod odong’, kendo adiera onge kuom ji.

Zaburi 12:2

Ji duto riambo ni jowetegi, kendo ng’ato ka ng’ato wuondo wadgi gi weche manono.

Ngeche 20:5

Paro mae chuny ng’ato chalo gi pi manie soko matut, to ng’at machielo man gi rieko nyalo tuomogi oko.

Ngeche 25:14

Ji ma sungore ni biro chiwo gik moko, to bang’e ok chiw, chalo gi boche polo kod yamo ma ok kel koth.

Ngeche 27:2

We ji moko ema opaki, kata bed ni gin welo. In kik ipakri kendi.

Eklesiastes 7:28

to mana ka asedwero kuom ndalo mang’eny. To aseyudo ni ng’at achiel kende ema nyalo bet mariek kuom ji gana. Dhako to onge mariek kata achiel.

Jeremia 5:1

Un jo-Jerusalem, wuothuru e yore mag dalau kendo e chirniu, mondo une ane ka nitie kata ng’at achiel makare mohero adiera. Kuyudo, to Ruoth Nyasaye nowe ni jodalano richogi.

Mika 7:1

A yaye! Koro achalo ng’ama kech kayo, mobiro pono olemo, to oyudo ka yath odong’ nono, ma onge olemo minyalo cham kata mana ng’owo mamitna manyak atamalo.

Mika 7:2

Ji moluoro Nyasaye oserumo e piny Israel, kendo onge kata ng’at achiel makare modong’. Ji duto kichore ni chuero remo, kendo ng’ato ka ng’ato chiko mana ni wadgi obadho.

Mathayo 6:2

Omiyo kuchiwo gimoro, to kik ihul gima itimo, nikech mano e gima joma wuondore ni ohero Nyasaye timo e ut lemo, kendo oko e lela, ni mondo ji opakgi. Adier awachonu niya, gin giseyudo pokgi.

Luka 18:11

Ja-Farisai nochung’ kar kende, mi olemo niya, ‘A Nyasaye, agoyoni erokamano, nikech ok achal gi jomoko duto, ma jomecho kendo jagang wach kendo ma joma terore. To bende ok achal gi jasol osuruni.

Luka 18:28

Eka Petro nowachone ni, “To wan waseweyo miechewa, mwaluwi.”

Luka 18:8

Ooyo! Awachonu ni nong’adni bura kare piyopiyo. To chieng’ ma Wuod Dhano obiroe e piny, uparo ni nonwang’ joma oyie kuome koso?”

Luka 22:33

Petro nodwoke ni, “Ruoth, aikora dhi kodi e jela kata mana kar tho bende.”

Johana 1:47

Kane Yesu oneno Nathaniel kabiro ire, nowacho ni, “Neuru! Ja-Israel hie e cha biro. En ng’ama kare, ma onge miganga.”

2 Jo-Korintho 12:11

Atimora ka ng’ama ofuwo, to un ema usemiyo abedo kamano. Ne onego upwoya, nimar kata obedo ni ok an gimoro, to joote muparo ni dongogo ok oloya kata matin.