Ngeche 20:2 - MUMA MALER 2015

² Ka ruoth okecho, to nyaka iluore, mana kaka iluoro sibuor karuto, nikech kimedo wang’o iye, to ichalo mana gi ng’ama dere.

Motingʼo Loko Manyien

² Mirimb ruoth chalo gi ruto mar sibuor; ngʼat momiyo obedo gi gero lalo ngimane.

Ngeche 20:2 ပူးပေါင်းရင်းမြစ်များ

1 Ruodhi 2:23

Bang’ mano, ruoth Solomon nokuong’ore gi nying Ruoth Nyasaye kowacho niya, “Nyasaye mondo okweda ka Adonija ok otho nikech wachni!

1 Ruodhi 2:24

Gi nying Ruoth Nyasaye mosemiyo agurora motegno e loch kar Daudi wuora, kendo mosemiyo jodhooda obedo jotelo kaka nosingore, akuong’ora ni, Adonija biro tho kawuono!”

Ngeche 19:12

Ruoth ma mirima omako chalo gi sibuor maruto, to ka omor kodi, to morneno chalo koth machue.

Ngeche 8:36

To ng’at ma ok oyuda, hinyore owuon. Chutho, ng’at ma mon koda, ohero mana tho!”

Eklesiastes 10:4

Ka ruoth okecho kodi, to kik iwe tich mitiyone, nikech ka ibolori, to onyalo ng’wononi kata mana ketho madongo.

Hosea 11:10

Abiro ruto ni wasik jo-Israel ka sibuor, mi joga biro biro ira. Gibiro ringo ira ka gia yo podho chieng’.

Amos 3:8

“Ere ng’ama ok diluor ka sibuor ruto? Koso ere janabi ma diling’ mak ohulo gima Ruoth Nyasaye owachone?”

Habakuk 2:10

Tim musetimo kutieko ogendini mang’eny biro kelonu wichkuot, mi ket ngimau e masira.

Kwan 16:38

Adier, tewni mag joma timo richo, mi oyudo kum mar tho ler, nikech osechiwgi e nyim Ruoth Nyasaye. Omiyo nyaka uthedhgi mopamore mondo oumgo kendo mar misango. Ginibed rapar ni jo-Israel.”