Ngeche 20:1 - MUMA MALER 2015

¹ Kong’o miyo ng’ato bedo jakoko maonge gi rieko. Emomiyo mer en mana fuwo.

Motingʼo Loko Manyien

¹ Divai en jajaro to kongʼo en koko; ngʼat motelne kodgi onge rieko.

Ngeche 20:1 ပူးပေါင်းရင်းမြစ်များ

2 Samuel 11:13

Daudi noluonge mondo gichiem, mi nohoye mometho nyaka omer. To kane piny ochido, Uria nowuok, modhi onindo mana kama jorit ruoth ne nitie, to ne ok odhi e ode.

2 Samuel 13:28

Absalom noloso chiemo mathoth, to noyudo osewacho ni jotichne niya, “Ka Amnon osemer, mi awachonu ni, ‘Negeuru,’ to unege. Kik uluor, nikech an awuon ema achikou. Beduru gi chir, kuikoru.”

Ngeche 23:20

Kik ibed e kanyakla mar jokong’o gi jowuoro,

Ngeche 31:4

Yaye, wuoda Lemuel, chik iti ni gima awacho. Ruodhi ok onego omadh kong’o, kendo ok onego gigomb madho gik mamero ji,

Isaya 28:7

To koro jotend Jerusalem duto bende gin jomer. Jodolo mage kod jonabine mer kendo kwang’ nikech kong’o makech, omiyo gitimo gik mofuwo. Gitagore ataga ka gineno fweny, kata ka ging’ado bura.

Isaya 5:11

Yaye, unune malit, un joma chiew gokinyi mang’ich kadhi dwaro kong’o, kendo budho nyaka dier otieno ka mer!

Isaya 5:22

Yaye un thuondi mag madho kong’o kendo ma tekogi en mana ruwo kong’o makech,

Isaya 56:12

Ng’ato ka ng’ato kuomgi wacho niya, “Biuru wamany divai kod kong’o makech, mondo wamadh, wamer. Kiny bende nobed maber mana kama, kata moloyo ma.”

Hosea 4:11

“Kong’o osemayo joga rieko!

Hosea 7:5

Chieng’ mane ruoth timo sawo, ne gimiyo omadho divai gi jodonge, mi gimer kendo gilokore josunga ma jaro ji ajara.

Tim jo-Lawi 10:9

“In kod yawuoti kik umadh kong’o kata gimoro mamero ji, ka udhi e Hemb Romo, nono to utho. Mano en chik momako nyikwau nyaka chieng’.

Habakuk 2:5

Andhoke ma jo-Babulon sungore, to ok ginidhi maber. Gisechoko ogendini mang’eny moa e pinje mopogore opogore, ka wuoro omakogi, to ok ginyal yieng’.

1 Jo-Korintho 6:10

kata jokuo, kata jogombo, kata jomer, kata joma ketho nying ji, kata jomecho, ok noyud gueth mar Loch Nyasaye.

Jo-Galatia 5:21

gombo, mer, dwanyruok, kod gik moko machal kamago. To asiemou, kaka nasiemou chon ni, joma timo gik ma kamago ok noyud gueth mar Loch Nyasaye.

Jo-Efeso 5:18

Weuru mer, nono to ubiro ketho ngimau chuth. Kar timo kamano, to Roho ema mondo opong’u.