Ngeche 2:9 - MUMA MALER 2015

⁹ Ka iwinjo wachna, to ining’e gima ber makare kendo mowinjore. Pile inibed king’eyo gima onego itim.

Motingʼo Loko Manyien

⁹ Ka iwinjo wachna, eka iningʼe gima kare, kendo mowinjore ma gin yore duto mabeyo.

Ngeche 2:9 ပူးပေါင်းရင်းမြစ်များ

Zaburi 119:105

Wachni e taya ma nyisa kama anyono, kendo e ler ma menyona yo.

Zaburi 119:99

An gi paro matut moloyo jopuonjna, to nikech chikeni ema aparo.

Zaburi 25:12

Ruoth Nyasaye biro nyiso joma rito chikene yo ma onego giluw.

Zaburi 32:8

Ruoth Nyasaye wacho niya, “Abiro nyisi yo ma onego iluw. Adier, abiro puonji kendo abiro ng’adoni rieko.

Ngeche 28:5

Joma timbegi mono ok ong’eyo adiera, to jogo malamo Ruoth Nyasaye ong’eyo gik moko duto.

Ngeche 4:12

Onge gima nomi ikier ka iwuotho gi rieko, bende kata ka iringo to ok nichwanyri.

Ngeche 4:18

Wang’yo ma joma kare luwo, chalo chieng’ mapilore gokinyi, kendo medore ameda nyaka nyango tegno.

Ngeche 8:20

An atimo timbe makare, kendo ang’ado bura kare,

Isaya 35:8

Wang’yo maduong’ nobed e thimno, kendo noluonge ni, ‘Wang’yo Maler’ Joma ok ler gi joma ofuwo ok nowuothie.

Isaya 48:17

Ruoth Nyasaye ma jawaru, kendo ma Ng’ama ler mar Israel, wacho kama: “An Ruoth Nyasaye ma Nyasachu. Apuonjou mondo uyud konyruok, kendo atelonu e yo ma onego uluw.

Jeremia 6:16

Ruoth Nyasaye wacho ni joge niya, “Chung’uru e akek yo, mondo urang wang’yore machon, kupenjo kuma yo maber nitie. Wuothuru e wang’yorno, mi unuyud kue.” To gidwoko niya, “Ok wanawuothi e wang’yorno.”

Johana 14:6

Yesu nodwoke niya, “An e yo, kendo an e adiera. Onge ng’ama dhi ka Wuora mak okadho kuoma.