Ngeche 2:6 - MUMA MALER 2015

⁶ nimar Ruoth Nyasaye ema chiwo rieko, kendo en ema opuonjo ng’eyo.

Motingʼo Loko Manyien

⁶ Jehova Nyasaye chiwo rieko kendo ngʼeyo gi winjo aa e dhoge.

Ngeche 2:6 ပူးပေါင်းရင်းမြစ်များ

1 Ruodhi 10:24

Piny duto ne biro ir Solomon mondo owinj rieko mane Nyasaye omiye.

1 Ruodhi 3:12

koro atimoni kaka isekwayo. Amiyi chuny mar rieko kod mar ng’eyo. Pok onywolie ng’at machal kodi, bende ok nonywol moro bang’i.

1 Ruodhi 3:9

Emomiyo yie imiya chuny mariek, manyalo yango gima ber gi gima rach, mondo ang’adgo ni jogi bura, nikech ere ng’ama dinyal ng’ado bura ni jogi mang’enygi?”

1 Ruodhi 4:29

Nyasaye nomiyo Solomon rieko gi winjo mathoth, to kod paro malach ka nam.

1 Weche mag Ndalo 22:12

Ruoth Nyasaye ma Nyasachi mondo omiyi rieko duto mondo irit chikne koseketi ruodh Israel.

Ezra 7:25

“To in Ezra, kuom rieko ma Nyasachi osemiyi, yier jong’ad bura mondo oyal jogi duto man e piny man loka Yufrate, mong’eyo chik Nyasachi. To jogo ma ok ong’eyo chikego, to mondo upuonji.

Nehemia 7:5

Nyasaye nojiwo chunya mondo achok joka ruoth kod jotelo gi ji duto, mondo ondik nyinggi kaluwore gi dhoutgi. Bende nayudo kitabu mondikie nying joma nokuongo duogo, kaachiel gi anyuolagi.

Ayub 12:13

Jodongo nigi paro matut, Nyasaye to nigi paro matut, kaachiel gi teko monyalo timogo gimoro amora.

Ayub 12:16

Nyasaye nigi teko kod loch, kendo jawuond kaachiel gi ng’at miwuondo duto nie lwete.

Ayub 22:22

Ka itimo kamano, to obiro guedhi. Winj puonjne, kendo imak wechene e chunyi.

Ayub 32:8

To nyaka ung’e ni muya mar Nyasaye Manyalo Gik Moko Duto ema miyo ji rieko, kobiro kuomgi.

Zaburi 119:104

Chikeni ema miya rieko, omiyo achayo timbe duto maricho.

Zaburi 119:34

Lerna tiend chikni mondo ariti. Ee, anarite gi chunya duto.

Zaburi 119:98

An gi chikni seche duto, omiyo abedo mariek moloyo wasika.

Zaburi 19:7

Chik Nyasaye long’o kendo chiwo ngima manyien. Weche mag Nyasaye gin weche mogen. Gichiwo rieko ni joma ongego.

Zaburi 19:8

Chike mag Ruoth Nyasaye ni kare kendo miyo chuny mor. Adier, chike Nyasaye beyo kendo yawo wang’.

Zaburi 51:6

To chuny man gi adiera ema idwaro, omiyo pong’ parona gi riekoni.

Zaburi 94:10

En ema orito ogendini! Donge okumogi? Koso ng’ama puonjo dhano nyalo bedo maonge gi rieko adier?

Wuok 31:3

Asepong’e gi Roho mara mondo obed gi lony kod nyalo, kaachiel gi rieko mar ng’eyo tije duto mag lwedo, kaka:

Ngeche 6:23

Chike ma kamago gin ler marieny, kendo kwer ma ikwerogo ng’ato kuom gima otimo marach kelo ngima.

Eklesiastes 2:26

Nyasaye ema miyo joge mohero rieko gi ng’eyo kod mor. Joricho to omiyo tiyo matek ka choko mwandu mana ni mondo mwandugo omi mana ng’ama ohero moloyo. Emomiyo mano bende en mana gima nono ka yamo makadho.

Isaya 54:13

Ruoth Nyasaye ema nopuonj joma geri duto, kendo nyithindi nodhi nyime maber ahinya.

Isaya 8:20

Adier, ji nyalo wachonu weche makamago, to kata kamano gima giwacho onge tich.

Daniel 1:17

Nyasaye ne omiyo yawuowi ang’wen-go rieko mar kitabu kod rieko moro amora. To bende nomiyo Daniel rieko mar loko tiend fweny kod lek duto.

Daniel 2:21

En ema ochano ndalo kod chwiri gi opon, bende en ema oketo ruodhi e tich, kendo ogolo. Omiyo ji rieko kod ng’eyo.

Daniel 2:23

In Nyasach kwerena, apaki kendo amiyio duong’. Isemiya rieko gi teko, kendo idwoko kwayona, ka inyisowa gima onego wawachi ni ruoth.”

Luka 21:15

nikech an ema namiu weche kod rieko ma onge wasiku kata achiel ma nosir kata nokwer.

Johana 6:45

Ondik e Kitap jonabi ni, ‘Nyasaye nopuonj ji duto.’ Omiyo ng’ato ka ng’ato ma owinjo dwond Wuoro mi opuonjore kuome, to biro mana ira.

Jakobo 1:17

Mich mabeyo duto, kod chiwo malong’o duto, a e polo malo. Gia kuom Nyasaye Wuoro mane ochueyo ler mag polo. En ok olokre, bende ok owichre owewa e mudho.

Jakobo 1:5

To ka ng’ato kuomu riekone orem, to ber mondo okwa Nyasaye, kendo Nyasaye nomedne rieko, nikech ochiwo gi ng’wono mak ochayo ng’ato.