Ngeche 2:4 - MUMA MALER 2015

⁴ Dware matek, mana ka gima idwaro fedha, kata ka gima idwaro mwandu moro mopandi.

Motingʼo Loko Manyien

⁴ to ka idware ka fedha kendo imanye ka mwandu mopandi,

Ngeche 2:4 ပူးပေါင်းရင်းမြစ်များ

Chakruok 26:32

Chieng’onogo ema jotich Isaka nobiroe ire, monyise ni gisekunyo soko, kendo giyudoe pi.

Ayub 3:21

Gidwaro tho, to tho otamore negogi. Ee, gidwaro tho moloyo mwandu.

Zaburi 119:127

Ahero chikeni moloyo dhahabu malerie moloyo.

Zaburi 119:14

Chikeni miya mor, moloyo mor ma mwandu mang’eny miya.

Zaburi 119:72

Chik mawuok e dhogi berna. Moloyo fedha gi dhahabu mogundho.

Zaburi 19:10

Gibeyo moloyo dhahabu, kata mana dhahabu malerie moloyo. Bende gimit moloyo mor kich moton kaa e pedni.

Ngeche 16:16

Mano kaka yudo rieko gi ng’eyo, ber, moloyo yudo fedha gi dhahabu.

Ngeche 2:3

Adier, dwar rieko, kendo many ng’eyo.

Ngeche 23:23

Adiera gi rieko gi puonjruok kod paro maber ema nyaka iyudi, kata dabed ni ing’iewogi gi nengo matek. Kik iwe ng’ato kawgi kata dabed ni omiyi ang’o.

Ngeche 4:7

Gima berie moloyo minyalo timo en yudo rieko. Kata ka mwanduni duto orumo, to winjo tiend wach ema onego ibedgo.

Ngeche 8:17

Ahero joma ohera, kendo ng’ato nag’ata madwara to yuda.

Eklesiastes 4:8

En ngima ng’at modak kende maonge gi wuowi kata gi owadgi. Pile otiyo atiya matek, to mwandu moyudo ok rome. Openjore niya, “En ng’a ma atiyone matek, ka atuonora gik mabeyo ma onego acham?” Mano bende en gima nono, ma ok owinjore kata matin.

Mathayo 13:44

“Loch Polo chalo gi mwandu mane opandi e puodho, mi ng’ato oyudo, mi ochako oyiko kendo. Ng’atno nodoko mamor ahinya, omiyo nodhi oloko gige duto pesa, mi oduogo ong’iewo puodhono.

Mathayo 19:29

Kendo ng’ato ka ng’ato moseweyo udi, kata owetene, kata nyiminene, kata wuon, kata min, kata nyithinde, kata lope, nikech an, noyud gigo nyadi mia achiel, kaachiel gi ngima mochwere bende.

Luka 16:8

“Jamokono nopako jarit gige ma ok kareno kuom riekone, kendo en adier ni joma ok ong’eyo Nyasaye tiyo gi jowadgi gi rieko moloyo rieko ma joma ong’eyo Nyasaye tiyogo gi jowetegi.”