Ngeche 19:9 - MUMA MALER 2015

⁹ Janeno mariambo ok nyal tony mak okum. Ng’at ma kamano nolal nono.

Motingʼo Loko Manyien

⁹ Janeno ma ja-miriambo ok notony ma ok okume, to ngʼatno malando miriambo biro lal nono.

Ngeche 19:9 ပူးပေါင်းရင်းမြစ်များ

Ngeche 12:19

Adier ok tow nyaka chieng’. Miriambo to ok deki.

Ngeche 19:5

Janeno ma jamriambo ok nyal tony mak okum. Adier, ng’at ma wacho miriambo lilo ok tony.

Ngeche 21:28

Janeno ma wacho miriambo biro lal nono, to ng’at mawacho adiera, nowe nyikwayo bang’e.

Ngeche 6:19

mar auchiel en janeno mawacho miriambo lilo, mar abiriyo en ng’at mathuwo osiepe mondo odhaw.

Ezekiel 13:22

“Unyoso chuny joma kare gi miriambo, to an ok adwar mondo unyos chunygi. Bende ujiwo chuny joma timbegi mono, mi gidagi weyo timbegi mamonogo, mondo gires ngimagi.

Daniel 6:24

Bang’ mano, ruoth ne ogolo chik ni mondo joma ne odonjo ni Daniel owiti e bur sibuoche kaachiel gi mondgi kod nyithindgi. To kane owitgi e bur kamano, sibuoche ne ongamogi moturo chokegi duto matindotindo, mana kapok gichopo kata e pier bur piny.

Fweny 19:20

To ne olo Ondiek, mi omaki kaachiel gi Janabi mar Miriambo, mane osebedo katimo honni e nyime. Honnigo ema ne osewuondogo joma ne oketnigi alama mar Ondiek, kendo mane lamo gima ket gi Ondiegno. Ondiek gi Janabi ne owit kangima e ataro mar ligek mach.

Fweny 21:8

To ngoche, gi joma ok oyie, kod jomriambo duto, kargi nobed mana ataro maliel gi ligek mach, ma en tho mar ariyo!”

Fweny 22:15

To guogi gi jojuogi, gi joma terore, gi jonek, gi joma lamo nyiseche manono, kod ji duto ma ohero miriambo kendo matimo gik ma ok adiera, nobed oko.