Ngeche 19:6 - MUMA MALER 2015

⁶ Ng’ato ka ng’ato temo mondo joma dongo ohere, kendo ng’ato ka ng’ato wacho ni en osiep ng’ama bade lach.

Motingʼo Loko Manyien

⁶ Ji mangʼeny temo mondo oyud pwoch kuom ruoth, to ngʼato ka ngʼato bedo osiep ngʼat machiwo mich.

Ngeche 19:6 ပူးပေါင်းရင်းမြစ်များ

Chakruok 32:20

monyisogi ni mondo gimed wacho ni Esau niya, “Jakobo jatichni biro bang’e,” Jakobo noparo ni obiro hoyo chuny Esau gi chiwo mane oseorone motelogo, kendo koromo kode bang’e, to dipo ka orwake gi ng’wono.

Chakruok 42:6

Koro, kaka Josef ne jatend Misri, en ema ji moa e pinje duto ne rundo kuome cham. Emomiyo, owetene nobiro mogoyo chonggi piny, kendo okulorene nyaka e lowo.

Chakruok 43:15

Kamano ne gikawo pesa moromo rundo diriyo, kaachiel gi chiwo, mi ne gidok Misri ir Josef, ka gidhi gi Benjamin.

Zaburi 45:12

Jo-Turo nokelni mich. Jomwandu bende notem mondo oyud kaka ng’iyo kodi.

Ngeche 16:15

Mor ma ruoth nigo e pat wang’e kelo ngima, mana kaka boche polo kelo koth e ndalo chwiri.

Ngeche 17:8

Ng’at mohero chiwo asoya paro ni asoya tiyo ka bilo, omiyo gik moko motimo dhi nyime maber.

Ngeche 18:16

Lwedo mabup ema yawo dhoot, kendo nyalo miyo ine kata mana ng’ama duong’.

Ngeche 19:12

Ruoth ma mirima omako chalo gi sibuor maruto, to ka omor kodi, to morneno chalo koth machue.

Ngeche 21:14

Mich mochiw ling’ling’ ni ng’at mokecho, kueyo mirimbe.

Ngeche 29:26

Kata obedo ni pile ji mang’eny londhore mondo ruoth okonygi, to chutho Ruoth Nyasaye kende ema ng’ado bura gi adiera.

Mathayo 2:11

Ne gidonjo e ot, mi gineno nyathino gi Maria min mare, eka ne gigoyo chonggi piny, mi gimiye duong’. Bang’e ne gigolo mwandu mane gibirogo, mi gimiye dhahabu gi ubani kod manemane, ma gin yien moko mang’ue ng’ar.

Jo-Rumi 6:23

Misach richo en tho, to mich Nyasaye en ngima mochwere kuom Yesu Kristo Ruodhwa!