Ngeche 19:2 - MUMA MALER 2015

² Ng’at maonge gi rieko to gombo gik moko, ok nyal dhi nyime maber. Jarikni jamuod nyoyo gi kuoyo.

Motingʼo Loko Manyien

² Ok ber bedo gi gombo maonge gi ngʼeyo, kata bedo ka irikni kae to ibayo yo.

Ngeche 19:2 ပူးပေါင်းရင်းမြစ်များ

2 Ruodhi 4:39

Ng’at achiel kuom jonabi nodhi ng’ueto, moyudo otangle. Nopono bade kopong’ modokgo irgi. Nobarogi, moologi e agulu, ka ok ong’eyo ni gin ang’o.

Ayub 31:5

Akuong’ora ni pok atimo tim miganga, kata pok atemo wuondo ng’ato.

Ngeche 1:16

Gireto piyopiyo ka gidwaro timo richo, kendo girikni ni chuero remo!

Ngeche 10:21

Weche ng’at makare konyo ji mang’eny. Joma ofuwo to tho nikech gionge gi rieko.

Ngeche 14:29

Ng’at ma iye ok wang’ piyo ema nigi rieko mang’eny, to ng’at ma mirimbe liet nyiso mana fupe.

Ngeche 21:5

Ng’at matiyo matek, kendo ma chano gik moko mos noyud gik mathoth, to ng’at marikni ok noyud gimoro.

Ngeche 25:8

Kik irikni hulo ni ng’ato gimoro amora mineno, dipo ka wadu moro obiro mong’eng’i marach.

Ngeche 28:20

Ng’at makare dak malong’o e ngima maber, to ng’at ma rikni mondo oyud mwandu nyaka yud kum.

Ngeche 28:22

Ng’at ma iye lit rikni mondo oyud mwandu. Ok ong’eyo ni chieng’ moro dhier nyalo make.

Ngeche 29:20

Konyo ng’at mofuwo yot moloyo konyo ng’at mamwomore gi wach.

Eklesiastes 12:9

To nikech Jayalo ne nigi rieko, omiyo ne omedo puonjo ji apuonja gik mong’eyo. Ne ochoko ngeche eka ochanogi maber.

Eklesiastes 7:9

Kik iyi wang’ piyo, kendo kik ibed gi sadha e chunyi, nikech joma ofuwo ema timo kamano.

Isaya 27:11

Bende mon mamoto nojak bede yien motwo, ochwakgo mach. Mano notimre nikech ogandano onge gi rieko. Omiyo, Jachuechgi ok nokechgi. Adier, Ng’ama nochueyogi ok nong’wonnigi.

Isaya 28:16

To koro Ruoth Nyasaye wacho kama: “Winjuru! Abiro keto kidi mar mise e Sayun, mondikie ni, ‘Ng’ama oyie ok norikni.’ En kidi motegno, moyier, ma nengone tek, momako kor ot.

Hosea 4:6

Un joga, osetieku, nikech ok uyie lochna. Jodolo mau osedagi yie kuoma, kendo gisetamore puonjna. Omiyo adagi ni un gi yawuotu ok ubed jodolona.”

Johana 16:3

Ginitim kamano nikech ok ging’eyo Wuoro, kata an.

Jo-Rumi 10:2

Ayie ni giketo chunygi kuom tiyo ni Nyasaye, to gikia yo ma onego gitinego,

Jo-Filipi 1:9

Alemo ni mondo herau omedre mathoth ahinya kuom rieko gi ng’eyo duto,