Ngeche 19:11 - MUMA MALER 2015

¹¹ Ng’at mariek, iye ok wang’ piyo. Ka ng’ato otimoni marach, to en gima ber moloyo ka ifwayo.

Motingʼo Loko Manyien

¹¹ Ngʼat mariek iye ok wangʼ piyo; oyudo duongʼ kuom weyo wach ma ok odewo ketho.

Ngeche 19:11 ပူးပေါင်းရင်းမြစ်များ

Ngeche 16:32

Herruok ber moloyo doko ratego. Ng’at moritore owuon yudo duong’ moloyo ng’ama kawo dala maduong’.

Ngeche 14:29

Ng’at ma iye ok wang’ piyo ema nigi rieko mang’eny, to ng’at ma mirimbe liet nyiso mana fupe.

Jakobo 1:19

Owetena mahero, mago duto ung’eyo. To ng’ato ka ng’ato nyaka bed ng’at mawinjo wach piyo, kendo materore mos kuom wuoyo, kendo ma mirima ok mak piyo.

Ngeche 15:18

Ng’at ma iye wang’ piyo ero miero, to ng’at ma hore mos kelo kue.

Ngeche 12:16

Ng’at mofuwo nyiso mirimbe piyopiyo. Ng’at mariek to mwonyo ayany.

Jo-Efeso 4:32

To beduru mang’won, ka ng’ato ka ng’ato kecho wadgi, kendo weyone richone, mana kaka Nyasaye oseweyonu kuom Kristo.

Ngeche 20:3

Joma onge gi rieko ohero kelo dhaw. To ng’ama ok dwar miero to ji miyo luor.

Ngeche 25:21

Ka jasiki odenyo, to miye chiemo, kendo ka riyo oloye, to miye pi omodhi,

Ngeche 17:14

Chakruok mar miero chalo gi pi mochako chuer, omiyo nyaka geng’e ka pok omwomo.

2 Ruodhi 5:12

Donge aore mag Damaski, ma Abana gi Farpa, beyo moloyo aore duto mag Israel? Ok danyumra e aorego mondo achangi?” Bang’e nolokore modhi ka iye owang’.

Ngeche 11:13

Ng’at ma jafuong’ wach ok hulne weche maling’ling’. Ng’at ma odimbore to kano wach e chunye.

Ngeche 29:11

Ng’at mofuwo, iye wang’ piyo, kendo mwomore amwoma. Ng’at mariek to geng’o mirimbe kendo hore mos.

Ngeche 20:22

Kik ichul kuor kuom gima rach ma ng’ato otimoni, to gen kuom Ruoth Nyasaye mondo olosni wachno.