Ngeche 19:10 - MUMA MALER 2015

¹⁰ Joma ofuwo ok owinjore dag maber. Wasumbni bende ok owinjore bed gi loch kuom jodong gweng’.

Motingʼo Loko Manyien

¹⁰ Ok en gima owinjore mondo ngʼat mofuwo odagi e ber, to en gima rach machalo nadi ka misumba ema omi loch kuom yawuot ruoth!

Ngeche 19:10 ပူးပေါင်းရင်းမြစ်များ

2 Samuel 3:39

Kata obedo ni an ruoth kamano, to yawuot Zeruyagi otamo wang’a. Ruoth Nyasaye ema mondo ochul kuor ni ng’ama rach moromo gi rach mosetimo.”

Ngeche 17:7

Ng’at mogen ok riambi, mana kaka ng’at mofuwo ok nyal wacho gima kelo konyruok.

Ngeche 26:1

Pako ng’at mofuwo ok owinjore, mana kaka pe kod koth ok owinjore e ndalo keyo.

Isaya 3:5

Ji nosandre kendgi giwegi, ka ng’ato ka ng’ato dhaw mana gi wadgi, to nyithindo bende yanyo joma dongo, kendo ji ajia chayo joma ogen.

Hosea 9:1

Un jo-Israel, weuru timo sewni ka ogendini mamoko. Useweyo Nyasachu mi udok ni Baal kuonde dino duto mondo uyudie cham, mana ka dhako moweyo chwore to dwanyore gi chwo mamoko mondo oyudie pesa

Luka 16:19

Yesu nogoyo nigi ngero niya, “Ne nitie jamoko moro mane rwako lewni mabeyo ma nengogi tek, kendo ne odak e ngima mamalo, kochamo chiemo mabeyo pilepile.

Luka 16:23

Kane en e Piny Joma Otho kisande malit, noting’o wang’e moneno Ibrahim gi kuma bor, kod Lazaro kobet e bathe.

Jakobo 4:9

Koro ma e kinde ma onego ubedie gi kuyo, kuywak kendo ugoyo nduru. Ber mondo nyiero munyierogo olokre ywak, kendo mor ma un-go olokre kuyo.

1 Samuel 25:36

Kane Abigail odok dala, noyudo ka Nabal timo sawo maduong’, mana ka sap ruoth. Nabal ne mor, nikech nomer ahinya, omiyo Abigail ne ok onyise gimoro kata matin, nyaka piny oru.