Ngeche 19:1 - MUMA MALER 2015

¹ Ber bedo jachan ma timne kare, moloyo bedo jamoko ma wechene obam.

Motingʼo Loko Manyien

¹ Ber bedo jachan ma wuodhe ok nyal cha, moloyo ngʼat mofuwo ma lewe timo richo.

Ngeche 19:1 ပူးပေါင်းရင်းမြစ်များ

Zaburi 26:11

An to atimo mana gik makare, omiyo yie ikecha kendo iwara.

Zaburi 37:26

Kinde duto ong’won kendo oholo ji mabup. Mano ema omiyo nyithinde oguedhi.

Ngeche 12:26

Ng’at makare nyiso osiepene yo. Joma richo to miyo ji rwenyo arwenya.

Ngeche 14:2

Ng’at makare oluoro Ruoth Nyasaye. Ng’at ma achach to ochaye achaya.

Ngeche 15:16

Ber bedo jachan moluoro Ruoth Nyasaye moloyoo bedo gi mwandu makelo chandruok.

Ngeche 16:8

Gima tin miyudo e yor adiera, ber moloyo gik mang’eny miyudo e yor miganga.

Ngeche 19:22

Enn wichkuot bedo jawuoro. Bedo jachan too ber moloyo bedo jamriambo.

Ngeche 20:7

Nyithindo ma wuon-gi jaadiera, kendo timo gik makare gin johawi.

Ngeche 28:6

Ber bedo jachan ma jaratiro oloyo bedo jamoko ma timbene obam.

Ngeche 4:24

Kik iwach gimoro ma ok adiera, bende bed mabor gi miriambo kod weche mag miganga.

Isaya 59:3

Lwetu omienore gi remo, kendo usemulo richo. Miriambo bende wuok e dhou, kendo lew hango wach.

Mathayo 16:26

Ere ohala ma ng’ato nyalo yudo, konwang’o piny duto, to owito ngimane? Koso ang’o ma ng’ato nyalo chiwo kar ngimane?

1 Samuel 25:17

Emomiyo koro, par gima onego itim, nikech gima rach biro timore ni ruodhwa. To nimar ing’eyo ni en ng’at machach, kendo onge ng’ama nyalo wuoyo kode.”

1 Samuel 25:25

Ruoth, kik idew ng’at ma achach miluongo ni Nabal, nikech ochalo gi nyinge. Nabal e nyinge, kendo orabala adier. To an, ne ok aneno yawuowi ma nioro.