Ngeche 18:14 - MUMA MALER 2015

¹⁴ Chuny man gi chir ema konyo ng’ato ka tuo. To ka chuny ng’ato ool to konye tek.

Motingʼo Loko Manyien

¹⁴ Chuny ngʼato sire e tuo, to chuny mool, en ngʼa manyalo konyo?

Ngeche 18:14 ပူးပေါင်းရင်းမြစ်များ

Ayub 6:4

Nyasaye Manyalo Gik Moko Duto osechiela gi aserni mage, kendo kwichgi landore e denda duto. Adier, masiche moa kuom Nyasaye olwora koni gi koni.

Zaburi 109:22

Adhier, kendo an jachan. Chunya chandore malit ahinya.

Zaburi 147:3

bende oduogo chuny joma genogi oserumo, kendo othiedho adhondegi.

Zaburi 55:3

Chunya chandore nikech bwok ma wasika bwogago, kod thir ma wasika thirago. Gimiya chandruok mathoth, kendo giyanya ka gikecho.

Zaburi 55:5

Kihondko omaka, kendo atetni. Ee, masiche opong’o chunya.

Wuok 6:9

Musa noluwo ni jo-Israel wechegi, to ne ok gidewe, nimar chunygi nool nikech tich matek mar bedo wasumbni.

Ngeche 15:13

Ka ng’ato mor, to obwonjo. Ka en gi parruok to chunye nyosore.

Ngeche 17:22

Chuny mamor kelo ngima maber, to chuny mool kelo tuo.

2 Jo-Korintho 1:12

To gimoro achiel mamiyowa mor en ni: wang’eyo malong’o e chunywa ni adier mar Nyasaye ema osetelonwa e kindwa gi ji, to moloyo to wasebet kamano mana kuom ng’wono mar Nyasaye, to ok kuom rieko mar dhano.

2 Jo-Korintho 2:7

omiyo koro onego uwene kethone, kendo uduog chunye, nono to kuyo malit ohewe.

Jakobo 1:2

Owetena, ka uyudo tem mayoreyore, to kwanreuru ka johawi,

1 Petro 1:6

Beduru mamor kuom wachno, kata obedo ni usebedo kuchandoru kuom tem mopogore opogore kuom kinde matin.