Ngeche 17:8 - MUMA MALER 2015

⁸ Ng’at mohero chiwo asoya paro ni asoya tiyo ka bilo, omiyo gik moko motimo dhi nyime maber.

Motingʼo Loko Manyien

⁸ Asoya en bilo ne ngʼat machiwe, kamoro amora modhiye, odhi maber.

Ngeche 17:8 ပူးပေါင်းရင်းမြစ်များ

Chakruok 32:14

diek mia ariyo ma nyibuche, gi nyuogi piero ariyo, kod rombe mia ariyo, gi imbe piero ariyo,

Chakruok 32:21

Kamano chiwogo duto nodhi motelo nyime, to en nodong’ monindo e kambi gotienono.

Chakruok 43:11

Israel wuon-gi nowachonigi niya, “Ka ochuno ni nyaka bed mana kamano, to ara timuru. To kawuru gik moko mabeyo mag pinyni, machalo dwogo gi mor kich gi gik mang’ue ng’ar, gi manemane, kod olembe moko, mondo uting’ e ogundeu, uter ni ng’atno kaka chiwo.

Zaburi 18:16

Orieyo bade ka en malo, mi omaka, kogola e ataro ngala.

Zaburi 19:6

Ochako ng’wech e tung’ polo konchiel, kendo olworore nyaka komachielo. Lietne chopo kuom gik moko duto te.

Zaburi 21:13

A Ruoth Nyasaye, bi gi tekoni! Wabiro wer kwapako duong’ni maler.

Zaburi 29:4

Ji winjo dwond Ruoth Nyasaye ka wuo gi tekone kod duong’ne!

Wuok 23:8

Kik ucham asoya nikech asoya mono kata ng’at maber wacho adiera, kendo owito buch ng’at ma onge gi ketho.

Ngeche 17:23

Jong’ad bura maricho chamo asoya ling’ling’ mondo oketh bura.

Ngeche 18:16

Lwedo mabup ema yawo dhoot, kendo nyalo miyo ine kata mana ng’ama duong’.

Ngeche 21:14

Mich mochiw ling’ling’ ni ng’at mokecho, kueyo mirimbe.

Eklesiastes 7:7

Ka ng’at mariek owuondo ng’ato, to odoko mofuwo, bende ka ng’ato ochamo asoya, to okethore kende owuon.

Isaya 1:23

Jotendu duto gin jopiem, kendo giwinjore gi jokuoye. Giduto gihero chamo asoya, kendo gidwaro mondo ji omigi amiya gik moko. Kuom mano ok giyal buche nyithi kiye kare, bende weche ma mond liete okelo e nyimgi ok gidew.

Amos 5:12

nimar ang’eyo kaka kethou ng’eny, kendo ang’eyo kaka richou okadho akwana. Un usando joma onge gi ketho, kendo uchamo asoya, bende utamo joma odhier yudo bura makare.

Mika 7:3

Gitimo timbe maricho gi chunygi duto. Jodongo kwayo gik moko mondo omigi, kendo jong’ad bura chamo asoya, bende jotelo golo chik mana kaka gin ema gihero.

Rapar mar Chik 16:19

Kik ung’ad buch amwor kata buch nyakonchiel, to bende kik ucham asoya, nimar asoya mono kata mana ng’at mariek wacho adiera, kendo wito buch ng’at ma onge ketho.

1 Samuel 25:35

Eka Daudi nokawo gik mane Abigail okelone, mi owachone niya, “Dog dala gi kue. Asewinjo gima ikwayo, kendo ayiego.”