Ngeche 17:5 - MUMA MALER 2015

⁵ Ng’at ma chayo jachan yanyo mana Nyasaye mane ochueye, kendo ng’at mabedo mamor ka masira omako wadgi noyud kum.

Motingʼo Loko Manyien

⁵ Ngʼat ma jaro jochan ochayo Jachwechgi; ngʼat mamor gi masira ok notony ne kum.

Ngeche 17:5 ပူးပေါင်းရင်းမြစ်များ

Ayub 31:29

Ok asebedo mamor ka wasika thagore, kata ka masira omakogi.

Zaburi 69:9

Hera ma aherogo Hekalu mari wang’o chunya ka mach, kendo ayany ma ji yanyigo ema koro iyanyago.

Ngeche 14:21

Ka idwaro bedo mamor, to kony jochan, nimar charo ji en richo.

Ngeche 14:31

Ng’at ma sando jachan, to chayo mana Nyasaye mane ochueye, to ng’at ma kecho jachan ema miyo Nyasaye duong’.

Ngeche 16:5

Ruoth Nyasaye mon gi ng’ato ang’ata ma jasunga. Ng’at makamano to ok notony ngang’ mak oyudo kum.

Jeremia 17:16

To Ruoth Nyasaye, bende ne akwayi mondo ikelnigi masira? In Ruoth Nyasaye ing’eyo ni ne ok agomb mondo giyud thagruok, kendo in ing’eyo gima asewacho.

Ezekiel 25:3

Nyis jopinyno ni an Ruoth Nyasaye awacho kama: Un jo-Amon, ne ubedo mamor ka uneno ka Hekalu mara odwany, kendo ka piny Israel okethi, kendo ka itero jo-Juda e tuech.

Obadia 1:10

Notieku kendo nochau nyaka chieng’ nikech ne unego oweteu ma joka Jakobo muyakogi.

Obadia 1:16

Joga oseyudo kum malit ewi goda maler, omiyo ogendini duto molworo joga biro yudo kum malit moloyo. Ibiro kumogi sidang’, mi gilal nono!

Jo-Rumi 12:15

Beduru mamor gi joma mor, kendo ywaguru gi joma ywak.

1 Johana 3:17

Ka ng’ato man gi mwandu oneno wadgi moro ka onge gi gima dokonyrego, to otamore konye, koro ere kaka hera mar Nyasaye nyalo siko e chunye?