Ngeche 17:27 - MUMA MALER 2015

²⁷ Ng’at mariek ok wach weche mang’eny, kendo ng’at man gi paro matut ok yie mondo iye owang’.

Motingʼo Loko Manyien

²⁷ Ngʼat man-gi ngʼeyo konyore gi weche kotangʼ; to ngʼat man-gi winjo wach to ritore maber.

Ngeche 17:27 ပူးပေါင်းရင်းမြစ်များ

Jakobo 3:18

Kodhi mopidhi gi kue nyago timbe mabeyo ni joma kelo kue mopidhogi.

Jakobo 1:19

Owetena mahero, mago duto ung’eyo. To ng’ato ka ng’ato nyaka bed ng’at mawinjo wach piyo, kendo materore mos kuom wuoyo, kendo ma mirima ok mak piyo.

Ngeche 14:29

Ng’at ma iye ok wang’ piyo ema nigi rieko mang’eny, to ng’at ma mirimbe liet nyiso mana fupe.

Ngeche 10:19

Ka iwuoyo mang’eny to ichiegni gi richo. Ng’at mariek to ling’ aling’a.

Jakobo 3:2

Waduto wachwanyore pile, to ng’at ma ok chwanyre e gima owacho e ng’at malong’o chutho. Ng’at ma kamano nyalo ritore e yore duto.

Ngeche 15:28

Joma beyo paro matut kapok odwoko wach. Joma timbegi richo to dwoko wach piyopiyo, kendo wechegigo kelo chandruok.

Eklesiastes 9:17

To chutho, en gima ber chiko it ni weche mamuol ma ng’at mariek wacho, moloyo winjo weche ma ruoth kokgo e buch joma ofuwo.

Ngeche 16:32

Herruok ber moloyo doko ratego. Ng’at moritore owuon yudo duong’ moloyo ng’ama kawo dala maduong’.