Ngeche 17:20 - MUMA MALER 2015

²⁰ Ng’at ma paro mana richo, donjo e chandruok, kendo ng’at ma wacho miriambo yudo mana masira.

Motingʼo Loko Manyien

²⁰ Ngʼat man-gi chuny marach ok nyal dhi maber; ngʼat ma lewe riambo podho e chandruok.

Ngeche 17:20 ပူးပေါင်းရင်းမြစ်များ

Zaburi 18:26

Iler ni joma ler, to wiyi tek ni joma wigi tek.

Ngeche 10:10

Ng’at ma pando adiera, kelo chandruok, to ng’at ma kwero gimoro e lela, kelo kue.

Ngeche 10:14

Joma riek, yudo rieko duto ma ginyalo nwang’o. Ng’at mofuwo kawuoyo, to chandruok ema chiegni.

Ngeche 10:31

Joma kare wacho weche mariek Lep mawacho weche maricho to ibiro ng’ado oko.

Ngeche 24:20

nimar jaricho onge gi gima ogeno, to tho kende ema ochomogi.

Ngeche 3:32

nimar Ruoth Nyasaye mon gi joricho, to ogeno joma kare.

Ngeche 8:13

Luoro Ruoth Nyasaye en bedo mamon gi richo. An amon gi sunga kod wang’teko, kaachiel gi timbe mamono kod weche mag miriambo.

Eklesiastes 10:12

Weche ma ng’at mariek wacho, kelone luor. Ng’at mofuwo to tiekore kende owuon gi wechene.