Ngeche 17:17 - MUMA MALER 2015

¹⁷ En adier ni osiepni nyalo heri kinde duto, to owadu ema konyi e chandruok.

Motingʼo Loko Manyien

¹⁷ En adier ni osiepni nyalo heri kinde duto, to owadu ema konyi e chandruok.

Ngeche 17:17 ပူးပေါင်းရင်းမြစ်များ

2 Samuel 1:26

Ne ageni ahinya, kendo gen ma nigenago ne lich miwuoro. Ne okadho hera ma mon herogo chwogi.

2 Samuel 15:21

To Itai nodwoko ruoth niya, “Gi nying Ruoth Nyasaye, kendo gi nyingi iwuon, kamoro amora midhiye, kanyo ema an bende nabedie, kata e tho, kata e ngima.”

Ngeche 16:28

Joricho kelo dhaw kuonde duto, kendo jokuoth thuwo osiepe.

Ngeche 18:24

Osiepe moko beyo mana kuom mbekni manono. Osiep maber to nyalo geni moloyo kata mana owadu monywoligo.

Ngeche 19:13

En masira bedo wuon wuowi mofuwo. Dhako ma ralep bende chalo gi pi maton ma ok chogi.

Ngeche 19:7

Ka omine jachan duto ochaye, osiepene to koro dijwang’e machal nadi! Kata obedo ni otemo matek mondo oyud osiep, to ok onyal yudo.

Jo-Hibrania 2:11

Jal mapwodho ji, kaachiel gi jogo mipwodho, giduto gin nyithind ng’at achiel. Mano emomiyo oluongogi ni owetene, ma ok wiye okuot,

Ruth 1:16

To Ruth nodwoke niya, “Kik ichuna ni mondo apogra kodi, mi adog mak aluwi, nikech kuma idhiye ema nadhiye, kendo kama idakie ema nadagie. Jou nobed jowa, kendo Nyasachu nobed Nyasacha.

1 Samuel 18:3

Jonathan gi Daudi ne joherore ahinya, omiyo ne gikuong’ore ni osiep manie kindgi ok norum.

1 Samuel 19:2

To Jonathan nohero Daudi ahinya. Omiyo nonyiso Daudi wach niya, “Saulo wuora dwaro negi. Emomiyo tang’, mondo kiny ipond gokinyi kama ogeng’ore.

1 Samuel 19:3

An to kiny nawuog machung’ but wuora e pap kama intie, kendo nawuo kode kuomi. Ka awinjo wach moro, to nanyisi.”

1 Samuel 20:17

Jonathan nochako okuong’ore ni Daudi kendo, nikech nohere mana kaka noherore owuon.

1 Samuel 23:16

Jonathan wuod Saulo nowuok, modhi ire kuno, mojiwe kotego chunye kuom Nyasaye.