Ngeche 17:14 - MUMA MALER 2015

¹⁴ Chakruok mar miero chalo gi pi mochako chuer, omiyo nyaka geng’e ka pok omwomo.

Motingʼo Loko Manyien

¹⁴ Chako dhawo chalo gimuko yawo, emomiyo we wach kapok dhawo owuok.

Ngeche 17:14 ပူးပေါင်းရင်းမြစ်များ

2 Samuel 19:41

Eka jo-Israel duto nobiro ir ruoth, mi gipenje niya, “Marang’o owetewa ma jo-Juda okawi ling’ling’ kendo okowi loka Jordan kaachiel gi joodi gi jolwenji duto?”

2 Weche mag Ndalo 13:17

Abija kod joge ne onegogi malich ahinya, mi jo-Israel marateke moyier alufu mia abich notho.

2 Weche mag Ndalo 28:6

Odiechieng’no, Peka wuod Ramalia nonego jo-Juda ma thuondi mia achiel gi piero ariyo. Ne ologi nikech ne giseweyo Ruoth Nyasaye ma Nyasach kweregi.

Ngeche 13:10

Sunga ok kel gimoro, to okelo mana miero, omiyo ber mondo ng’ato odwar rieko kuom ji.

Ngeche 14:29

Ng’at ma iye ok wang’ piyo ema nigi rieko mang’eny, to ng’at ma mirimbe liet nyiso mana fupe.

Ngeche 15:1

Dwoko mamuol ema kueyo mirima, to dwoko makwiny jimbe ajimba.

Ngeche 16:32

Herruok ber moloyo doko ratego. Ng’at moritore owuon yudo duong’ moloyo ng’ama kawo dala maduong’.

Ngeche 17:19

Ng’ama ohero miero en jaricho, kendo ng’at makawore, kelo chandruok ni en owuon.

Ngeche 19:11

Ng’at mariek, iye ok wang’ piyo. Ka ng’ato otimoni marach, to en gima ber moloyo ka ifwayo.

Ngeche 20:3

Joma onge gi rieko ohero kelo dhaw. To ng’ama ok dwar miero to ji miyo luor.

Ngeche 25:8

Kik irikni hulo ni ng’ato gimoro amora mineno, dipo ka wadu moro obiro mong’eng’i marach.

Ngeche 26:21

Kaka mirni miyo mach ng’ang’ni, kendo kaka yien miyo mach liel, e kaka kwinyo bende ero miero.

Ngeche 29:22

Ng’at ma iye jawang’ piyo, pile kelo miero kod masira.

Jo-Rumi 12:18

Temuru mondo kanyalore, to udag gi ji duto gi kue.

1 Jo-Thesalonika 4:11

Dwaruru dak e ngima mokue, kendo tiju kende ema urangi, ka utiyo gi luetu mana kaka ne wapuonjou mokwongo.