Ngeche 17:10 - MUMA MALER 2015

¹⁰ Kikwero ng’at mariek dichiel kende, to opuonjore maber, moloyo ng’at mofuwo migoyo ndalo mia achiel, eka winj gimoro.

Motingʼo Loko Manyien

¹⁰ Puonj mar kwer konyo ngʼat mariek, moloyo chwat nyadi mia ni ngʼat mofuwo.

Ngeche 17:10 ပူးပေါင်းရင်းမြစ်များ

Zaburi 141:5

Ng’at makare nyalo kuma, kendo kwera gi ng’wono, to ok nawe jaricho wir wiya gi mo, nikech pile alemo mondo timbene maricho okethre.

Ngeche 13:1

Wuowi mariek winjo puonj wuon mare. Ng’at ma wang’e tek to ok yie kethone.

Ngeche 15:5

Ng’at mofuwo ochayo puonj wuon mare, to ng’at mariek winjo kikwere gimoro.

Ngeche 17:11

Ng’at ma timbene richo ohero miero, omiyo Nyasaye biro orone jaote makwiny.

Ngeche 17:9

Ka idwaro ni mondo ji oheri, to ng’wonnigi ka gitimoni marach. Ka pile ilwero ng’ato kuom gimoro marach mosetimo, to osiep ema iketho.

Ngeche 19:25

Josunga nyaka kum mondo joma kia gik moko opuonjre. Ng’at mariek to puonjore apuonja kokwere.

Ngeche 27:22

Kata ka igoyo ng’at mofuwo mi both inego, to pod ofuwo afuwa.

Ngeche 29:19

Ok inyal rieyo misumba mana gi dhogi kende, nimar obiro winji awinja, to ok odewi.

Fweny 3:19

Joma ahero ema akwero kendo akumo. Emomiyo ket chunyi mondo ilokri iwe richoni.