Ngeche 16:8 - MUMA MALER 2015

⁸ Gima tin miyudo e yor adiera, ber moloyo gik mang’eny miyudo e yor miganga.

Motingʼo Loko Manyien

⁸ Ber bedo gi matin kod tim makare, moloyo mangʼeny kod tim ma ok kare.

Ngeche 16:8 ပူးပေါင်းရင်းမြစ်များ

Zaburi 37:16

Gik matin ma ng’at maber nigo, oloyo mwandu mathoth ma joma timbegi richo nigo,

Ngeche 15:16

Ber bedo jachan moluoro Ruoth Nyasaye moloyoo bedo gi mwandu makelo chandruok.

Ngeche 15:17

Ber chamo alot kama oherie, moloyo chamo ring’o malit kama ochayie.

Ngeche 16:7

Ka Ruoth Nyasaye mor gi ng’ato kod timne, to ng’atno nyalo miyo koda ka wasike lokre osiepene.

Ngeche 16:9

Dhano loso chenone owuon, to Ruoth Nyasaye ema telone eka otimgi.

Ngeche 17:1

Ber bang’o kuon gi kue, moloyo chamo chiemo mathoth e ot ma dhaw ng’enyie.

Ngeche 28:6

Ber bedo jachan ma jaratiro oloyo bedo jamoko ma timbene obam.

Eklesiastes 4:6

Mano nyalo bedo adier, to bedo gi chiemo moromo teng lwedo gi chuny mokue ber moloyo bedo gi chiemo moromo lwedo ariyo, to gi tich mang’eny maturi kayiem nono.

Jeremia 17:11

Ng’ato ma yudo pesa e yor miriambo chalo gi winyo matoyo tong’ mane ok otoko. Gibiro lalne kapok obet ng’at moti, kendo bang’e nolokre mana ng’at mofuwo.”

Mika 6:10

Mwandu muyudo e yor miganga ema opong’o ut joma richo. Gipimo gik moko gi rapim ma ok ni kare, ma ok adwar.