Ngeche 16:7 - MUMA MALER 2015

⁷ Ka Ruoth Nyasaye mor gi ng’ato kod timne, to ng’atno nyalo miyo koda ka wasike lokre osiepene.

Motingʼo Loko Manyien

⁷ Ka yore ngʼato moro Jehova Nyasaye, to omiyo kata wasike dak kode gi kwe.

Ngeche 16:7 ပူးပေါင်းရင်းမြစ်များ

Chakruok 27:41

Esau nomako sadha gi Jakobo nikech gueth mane wuon-gi oseguedhego. Omiyo noparo niya, “Wuora tinde chiegni tho, to kaseloso liende, to abiro nego Jakobo owadwa.”

Chakruok 32:28

Eka ng’atno nowachone niya, “Chakre kawuono nyingi ok nobed Jakobo, to ibiro luongi ni Israel, nikech isei gi Nyasaye, kendo gi ji, miloyo.”

Chakruok 33:4

Esau noringo kadhi romone, kendo nokwake monyodhe, mi ne giywak giduto.

2 Weche mag Ndalo 17:10

Luoro moa kuom Ruoth Nyasaye nomako ruodhi mag pinje mokiewo gi Juda, mi ne ok gikedo gi Jehoshafat.

2 Weche mag Ndalo 20:30

Kamano piny Jehoshafat nobet gi kue, nimar Nyasache nokelo kue e kindgi gi pinje duto mokiewo kode.

Ezra 8:36

To bende ne gimiyo jotelo gi ruodhi mane rito piny man loka aora Yufrateno chike mag ruodh Babulon. Jogo nokonyo tich Od Nyasaye bende.

Zaburi 69:31

Mano biro miyo Ruoth Nyasaye mor, moloyo misango motimne gi rwath, kata bed mana ni en rwath maber manade!

Wuok 3:21

“Anami jo-Misri geno jogi, mi ka uwuok to ok unudhi gi lwetu nono.

Ngeche 16:8

Gima tin miyudo e yor adiera, ber moloyo gik mang’eny miyudo e yor miganga.

Ngeche 3:17

Omiyo idak e ngima maber, kendo oteloni mana e yo makare.

Jeremia 15:11

A Ruoth Nyasaye, kapo ni ok asetiyoni maber, kata ka ok asekwayi mondo ikech wasika ka chandruok omako to kuong’ duto ma gikuong’ago mondo omaka.

Jeremia 39:12

“Dhiyo ikaw Jeremia, kendo irite maber. Kik ihinye, to timne gimoro amora modwaro.”

Jeremia 42:12

Abiro kechou, kendo en bende abiro miyo okechu, mi owe udag e pinyu ka.’ ”

Daniel 1:9

Nyasaye nomiyo Ashpenaz okecho Daniel, kendo obedone mang’won.

Jo-Rumi 8:31

To koro dwawach ang’o kuom wechego duto? Ka Nyasaye ni kodwa, to ere gima dwaluor, kata ka ng’ato obedo jasikwa?

Jo-Filipi 4:18

Koro andikonu risit! Eri, an gi gik moko duto ma adwaro, kendo mokadho kanyo, ka koro Epafrodito osekelona chiwo mane uorona. Chiwouno en misango madum tik mang’ue mamit, ma Nyasaye oyiego, kendo long’one.

Jo-Kolosai 1:10

Kamano unudag e ngima mamiyo Ruoth duong’, kendo unutim gik malong’one e yore duto, kunyago olemo mag timbe mabeyo duto, kendo kumedo ng’eyo Nyasaye.

Jo-Kolosai 3:20

Un nyithindo, winjuru jonywolu e weche duto, nikech mano ema long’o ni Nyasaye, kendo en gima joma obedo kuom Kristo onego tim.

Jo-Hibrania 13:21

mondo omiu gik moko duto mabeyo mondo utim dwarone. En ema mondo otim gima long’one e chunywa kuom Yesu Kristo. Duong’ obedne nyaka chieng’. Amin.

1 Petro 3:13

Ka uketo chunyu kuom timo gik mabeyo, to ere ng’ama dihimu?

1 Johana 3:22

mondo wayud gik moko duto ma wakwayo kuome, nikech wamako chikene, kendo watimo gik malong’o e nyim Nyasaye.