Ngeche 16:32 - MUMA MALER 2015

³² Herruok ber moloyo doko ratego. Ng’at moritore owuon yudo duong’ moloyo ng’ama kawo dala maduong’.

Motingʼo Loko Manyien

³² Ngʼat ma terore mos ber moloyo jalweny, ngʼat makweyo mirimbe ber moloyo ngʼat mamonjo dala maduongʼ.

Ngeche 16:32 ပူးပေါင်းရင်းမြစ်များ

2 Ruodhi 5:12

Donge aore mag Damaski, ma Abana gi Farpa, beyo moloyo aore duto mag Israel? Ok danyumra e aorego mondo achangi?” Bang’e nolokore modhi ka iye owang’.

Zaburi 103:8

En jang’wono kendo okecho ji. Iye ok wang’ piyo, bende onyiso herane mosiko.

Ngeche 14:29

Ng’at ma iye ok wang’ piyo ema nigi rieko mang’eny, to ng’at ma mirimbe liet nyiso mana fupe.

Ngeche 15:18

Ng’at ma iye wang’ piyo ero miero, to ng’at ma hore mos kelo kue.

Ngeche 16:19

Ber bedo gi jochan kibolori, moloyo bedo gi josunga, kipogo kodgi gik moyaki.

Ngeche 16:31

Lwar en osimbo mar duong’, kendo joma kare ema yude.

Ngeche 16:33

Ji goyo ombulu mondo ong’e gima onego gitim, to Nyasaye owuon ema ong’eyo gima timore.

Ngeche 19:11

Ng’at mariek, iye ok wang’ piyo. Ka ng’ato otimoni marach, to en gima ber moloyo ka ifwayo.

Ngeche 25:15

Kihori mos gi weche mamuol to inyalo loko kata mana chuny ruoth matek manade. Lep mayom bende nyalo turo chogo.

Ngeche 25:28

Ng’at ma ok nyal pieyo mirimbe, chal mana gi dala ma onge gi ohinga, ma monjo yot.

Eklesiastes 7:8

Giko mar gimoro ber moloyo chakruokne. Horuok bende ber moloyo sunga.

Eklesiastes 7:9

Kik iyi wang’ piyo, kendo kik ibed gi sadha e chunyi, nikech joma ofuwo ema timo kamano.

Jo-Rumi 12:21

Kik uwe richo lou, to timuru gik mabeyo mondo ulogo richo.

Jo-Efeso 5:1

Kaka un nyithind Nyasaye mohero, nyaka utem mondo ubed machal kode.

Jakobo 1:19

Owetena mahero, mago duto ung’eyo. To ng’ato ka ng’ato nyaka bed ng’at mawinjo wach piyo, kendo materore mos kuom wuoyo, kendo ma mirima ok mak piyo.

Fweny 3:21

To ng’at molocho anami bed koda e kom duong’na, mana kaka an bende ne alocho, mi abet kod Wuora e kom duong’ne.