Ngeche 16:16 - MUMA MALER 2015

¹⁶ Mano kaka yudo rieko gi ng’eyo, ber, moloyo yudo fedha gi dhahabu.

Motingʼo Loko Manyien

¹⁶ To ber maromo nade yudo rieko moloyo dhahabu, yiero ngʼeyo tiend wach moloyo fedha!

Ngeche 16:16 ပူးပေါင်းရင်းမြစ်များ

Zaburi 119:127

Ahero chikeni moloyo dhahabu malerie moloyo.

Ngeche 2:4

Dware matek, mana ka gima idwaro fedha, kata ka gima idwaro mwandu moro mopandi.

Ngeche 3:13

Ng’at modoko mariek, kendo man gi ng’eyo en jahawi,

Ngeche 3:14

nimar rieko ber moloyo fedha, bende en mwandu maduong’ moloyo dhahabu.

Ngeche 4:5

Bed gi rieko kod paro matut, kendo kik icha gima anyisi.

Ngeche 4:7

Gima berie moloyo minyalo timo en yudo rieko. Kata ka mwanduni duto orumo, to winjo tiend wach ema onego ibedgo.

Ngeche 8:19

Gima iyudo kuom ber moloyo dhahabiu maler, kendo oloyo kata mana fedha malerie moloyo.

Eklesiastes 7:12

Emomiyo ber bedo gi rieko moloyo bedo gi mwandu, nimar rieko kelo ngima ni jogo man kode.

Mathayo 16:26

Ere ohala ma ng’ato nyalo yudo, konwang’o piny duto, to owito ngimane? Koso ang’o ma ng’ato nyalo chiwo kar ngimane?

Luka 12:21

Eka Yesu notieko kawacho ni, “Mano e kaka obet kuom ng’ama choko mwandu ni en owuon, to ok omew e wang’ Nyasaye!”