Ngeche 16:10 - MUMA MALER 2015

¹⁰ Ruoth golo chik gi teko mar Nyasaye, omiyo wechene duto ni kare.

Motingʼo Loko Manyien

¹⁰ Ruoth wuoyo kaka chik mar Nyasaye dwaro, to dhoge ok onego ndhog bura makare.

Ngeche 16:10 ပူးပေါင်းရင်းမြစ်များ

Chakruok 44:15

Josef nopenjogi niya, “Ang’o musetimoni? Donge nung’eyo ni ng’atno maduong’ ka an nyalo koro wach, mong’e gima usetimo?”

Chakruok 44:5

Ang’o momiyo usekwalo kikombena mar fedha? En e kikombe ma ruodha methogo, kendo okorogo wach. Awuoro kaka usetimo gima rach moloyo!’ ”

2 Samuel 14:16

Ang’eyo ni ruoth biro winjo ywakna, kendo obiro resa e lwet jal ma dwaro tieka kaachiel gi wuoda, ni kik wabed e oganda mar jo-Nyasaye.’

1 Ruodhi 3:28

Jo-Israel duto nowinjo bura mane ruoth ong’ado, mi ne giluore, nikech ne gineno ni rieko Nyasaye ni kuome, ka konye ng’ado bura makare.

2 Weche mag Ndalo 26:16

Kane Uzia osedoko motegno kamano, nobedo jasunga mi okethore. Nochayo Ruoth Nyasaye ma Nyasache, modonjo ei Hekalu mar Ruoth Nyasaye mondo owang’ ubani e kendo-mar-ubani.

Zaburi 99:4

En Ruoth maduong’ mohero gik makare. Osekelo adiera e Israel, ma piny nyikwa Jakobo. Ee, osekelo tim maber gi bura makare.

Ngeche 29:4

Ka ruoth orito pinye gi adiera, to piny dhi maber, to ka obembo ji gi osuru mathoth, to oketho piny.

Hosea 10:4

Githoro weche manono ka gikuong’ore gi miriambo kendo giloso winjruok ma ok nyal konyo. Adiera oselokore miriambo, kendo landore e piny duto kaka kayongo ma ketho lowo.

Amos 5:7

Mano wach manade kuom un ma loko bura makare ataro, kendo tuono ji gik monego giyudi!

Amos 6:12

Farese bende nyalo ringo e kite? Koso dhok nyalo puro nam? To un uloko bura makare mana gima kech, kendo tim maber uloko mana gima rach.