Ngeche 15:7 - MUMA MALER 2015

⁷ Lew ng’at mariek lando rieko. Ng’at mofuwo to wechene obam.

Motingʼo Loko Manyien

⁷ Dho jomariek lando ngʼeyo, to ngʼat mofuwo to wechene obam.

Ngeche 15:7 ပူးပေါင်းရင်းမြစ်များ

Zaburi 119:13

Chike duto ma isegolo, anaol achiel ka achiel.

Zaburi 37:30

Ng’at makare wuoyo gi rieko, kendo oloso mana kuom gik ma adier.

Zaburi 45:2

In e ng’at ma jaberie moloyo ji duto, kendo in e jatwak mong’ith. Omiyo Nyasaye oseguedhi nyaka chieng’.

Ngeche 15:2

Ka ng’at mariek wuoyo to wachne lombo ji. Ng’at mofuwo to rodho weche maonge tich.

Ngeche 15:6

Joma kare nigi mwandu mang’eny e miechgi, to gik ma joricho yudo kelonigi mana chandruok.

Ngeche 15:8

Ruoth Nyasaye mor ka joma ber lame, to omon gi misengni ma joricho chiwone.

Ngeche 16:23

Ng’at mariek paro matut ka pok owacho gimoro. Kuom mano, weche mawuok e dhoge gin mana puonj.

Ngeche 5:2

Eka ining’e kaka onego iritri, kendo wecheni nonyis ni in gi rieko.

Eklesiastes 10:2

Pile ng’at mariek timo atima gik makare. Ng’at mofuwo to timo mana gik maricho.

Wer Mamit 4:11

Dhogi mit ka mor kich, yaye jaherana. Adier, lewi chalona chak kata mor kich. Lepi dum tik mamit mana ka tik mamit mar god Lebanon.

Mathayo 10:27

Gima awachonu e mudho, wachuru e lela, kendo gima okuodhnu e itu, to huluru ratiro.

Mathayo 12:34

Un nyithi thuondegi! Ere kaka weche muwacho dibed mabeyo, to un uwegi un joricho? Chutho gik mopong’o chuny dhano ema wuok e dhoge.

Mariko 16:15

Eka nowachonigi niya, “Dhiuru e piny duto, uland Wach Maber ni ji duto.

Jo-Efeso 4:29

Ka uwuoyo to wach moro marach kik wuog e dhou, to wachuru mana weche mabeyo kendo makonyo ji, kendo mowinjore, mondo joma winjo wecheu oyud konyruok.

2 Timotheo 2:2

Weche duto mane iwinjo ka apuonjo e nyim joneno mang’eny, to in bende nyaka inyis joma igeno, ma bende nyalo puonjo jomoko.

Jakobo 3:6

Kamano lep bende en mach. En piny mopong’ gi timbe maricho. Kuom fuondewa, lep ema ketho ringrewa duto, kendo omoko mach e ngima dhano duto. En owuon to imoke e mach mak tho.