Ngeche 15:6 - MUMA MALER 2015

⁶ Joma kare nigi mwandu mang’eny e miechgi, to gik ma joricho yudo kelonigi mana chandruok.

Motingʼo Loko Manyien

⁶ Od ngʼat makare otingʼo mwandu maduongʼ, to pok mar joricho kelo nigi chandruok.

Ngeche 15:6 ပူးပေါင်းရင်းမြစ်များ

Zaburi 112:3

Joode nobed jomwandu man gi gik mathoth, kendo en owuon nodhi nyime maber nyaka chieng’.

Zaburi 37:16

Gik matin ma ng’at maber nigo, oloyo mwandu mathoth ma joma timbegi richo nigo,

Ngeche 10:22

Gueth moa kuom Ruoth Nyasaye ema kelo ni ng’ato mwandu, kendo mwandu makamano ok kel parruok.

Ngeche 13:22

Ng’at makare bedo gi mwandu moweyo ni nyithinde. Mwandu joricho to nodog ni joma kare.

Ngeche 15:16

Ber bedo jachan moluoro Ruoth Nyasaye moloyoo bedo gi mwandu makelo chandruok.

Ngeche 15:5

Ng’at mofuwo ochayo puonj wuon mare, to ng’at mariek winjo kikwere gimoro.

Ngeche 15:7

Lew ng’at mariek lando rieko. Ng’at mofuwo to wechene obam.

Ngeche 16:8

Gima tin miyudo e yor adiera, ber moloyo gik mang’eny miyudo e yor miganga.

Ngeche 21:20

Gik mabeyo opong’o dala ng’ama riek kendo odhi maber. Joma ofuwo to ketho mwandugi aketha piyopiyo.

Ngeche 3:33

Okuong’o miech joma timbegi mono, to oguedho miech joma long’o.

Ngeche 8:21

kachiwo mwandu ni joma ohera, kendo apong’o utgi gi gik mogundho.

Eklesiastes 4:6

Mano nyalo bedo adier, to bedo gi chiemo moromo teng lwedo gi chuny mokue ber moloyo bedo gi chiemo moromo lwedo ariyo, to gi tich mang’eny maturi kayiem nono.

Jo-Hibrania 11:26

nimar noneno ni achaya miyudo nikech Mesia nigi mwandu maduong’ moloyo mwandu mag Misri. Noketo chunye kuom pok mane Nyasaye biro miye.