Ngeche 15:5 - MUMA MALER 2015

⁵ Ng’at mofuwo ochayo puonj wuon mare, to ng’at mariek winjo kikwere gimoro.

Motingʼo Loko Manyien

⁵ Ngʼat mofuwo chayo kum mar wuon mare, to ngʼat mawinjo ka ikwere nyiso rieko.

Ngeche 15:5 ပူးပေါင်းရင်းမြစ်များ

1 Weche mag Ndalo 28:20

Bang’e Daudi nowacho ni Solomon wuode niya, “Bed gichir, kendo gi jing’o! Kik chunyi nyosre, kendo kik iluor, to chak mana tich, nikech Ruoth Nyasaye ma Nyasacha nobed kodi, kendo ok nojwang’i kata weyi ka pok itieko tije duto mag Ode.

1 Weche mag Ndalo 28:9

“To in Solomon wuoda, par Nyasach wuoru, kendo ichiwri mondo itine gi chunyi duto, nimar Ruoth Nyasaye ng’iyo chuny ji duto, kendo ofwenyo paro mag dhano. Kidware, to iniyude, to kiweye, to enojwang’i nyaka chieng’.

Zaburi 141:5

Ng’at makare nyalo kuma, kendo kwera gi ng’wono, to ok nawe jaricho wir wiya gi mo, nikech pile alemo mondo timbene maricho okethre.

Ngeche 1:23

Chikuru itu ka akwerou gimoro. Abiro ng’adonu rieko, kendo abiro puonjou wechena,

Ngeche 1:7

Luoro Ruoth Nyasaye e chakruok mar rieko. Joma ofuwo to chayo rieko, kendo ok dwar puonjore.

Ngeche 10:1

Ngeche moko mag Solomon: Wuowi mariek miyo wuon mare bedo mamor, to wuowi mofuwo miyo min mare chuny lit.

Ngeche 13:1

Wuowi mariek winjo puonj wuon mare. Ng’at ma wang’e tek to ok yie kethone.

Ngeche 13:18

Ng’at madagi ni kik rieye bedo mana jachan, kendo yudo wichkuot, to ng’at machiko ite ka ikwero, yudo duong.

Ngeche 15:4

Weche mang’won kelo ngima. Weche maricho to nyoso chuny.

Ngeche 15:6

Joma kare nigi mwandu mang’eny e miechgi, to gik ma joricho yudo kelonigi mana chandruok.

Ngeche 19:20

Chik iti ni rieko ming’adoni, kendo yie mondo opuonji, eka chieng’ moro nibed mariek.

Ngeche 25:12

Siem ma ng’at mariek siemogo ng’at ma chiko ite, ber moloyo tere mar dhahabu, kata tigo molos gi dhahabu.

Ngeche 6:23

Chike ma kamago gin ler marieny, kendo kwer ma ikwerogo ng’ato kuom gima otimo marach kelo ngima.

Tito 1:13

Gima nowacho en adier! Emomiyo siemgi matek mondo gibed gi yie motegno,

Tito 2:15

Mago e gik ma nyaka ipuonj ji, kijiwogi kendo ikwerogi gi teko duto momiyi, to kik iyie mondo ng’ato ochayi.