Ngeche 15:32 - MUMA MALER 2015

³² Ng’at ma tamore puonj hinyore kende owuon, to ng’ama yie kikwero medo bedo mariek.

Motingʼo Loko Manyien

³² Ngʼat ma ok dew kum ochayore owuon, to ngʼat mawinjo kikwere medo winjo wach.

Ngeche 15:32 ပူးပေါင်းရင်းမြစ်များ

Zaburi 50:17

to isedagi ni ok rieyi, kendo ok idwar chikena?

Ngeche 1:7

Luoro Ruoth Nyasaye e chakruok mar rieko. Joma ofuwo to chayo rieko, kendo ok dwar puonjore.

Ngeche 10:17

Ng’at moyie weche mirieyego nobed mangima, to ng’at motamore kethone obayo yo.

Ngeche 13:18

Ng’at madagi ni kik rieye bedo mana jachan, kendo yudo wichkuot, to ng’at machiko ite ka ikwero, yudo duong.

Ngeche 15:14

Ng’at ma weche donjone dwaro puonjruok, to joma ofuwo mor amora gi fupe.

Ngeche 15:21

Joma ofuwo mor amora gi fupgi, to ng’at mariek timo mana gima ber.

Ngeche 15:31

Ng’at ma chiko ite kikwero bedo e kanyakla mar joma riek.

Ngeche 15:33

Luoro Ruoth Nyasaye puonjo ji rieko, kendo bedo mamuol kelo luor.

Ngeche 15:5

Ng’at mofuwo ochayo puonj wuon mare, to ng’at mariek winjo kikwere gimoro.

Ngeche 17:16

Ng’at mofuwo ketho pesa kuom puonjruok kayiem, nikech oonge gi obwongo mowinjogo gimoro.

Ngeche 18:15

Joma weche donjonigi dwaro mondo opuonjre, kendo gichiko itgi mondo kik wach moro kadhnigi.

Ngeche 19:20

Chik iti ni rieko ming’adoni, kendo yie mondo opuonji, eka chieng’ moro nibed mariek.

Ngeche 29:1

Ng’at ma wiye medo bedo matek, kata ka osekwere, nopo mana ka otur ma ok chomre.

Eklesiastes 7:5

Ber mondo ng’at mariek okweri gimoro, moloyo yudo pak kuom joma ofuwo,

Isaya 1:5

Ka pod usiko upiem apiema koda kamano, to ere dendu kama pod anyalo goyo, ka adhonde opong’o wiu, kendo ringreu duto odholore kama?

Isaya 3:9

Wang’gi ema nyiso ni gin joricho, kendo gihulo richogi ahula ma ok gipando, mana ka jo-Sodom. Yaye, mano kaka ginine masira, nikech giniyud pok mowinjore gi timbegi maricho.

Jeremia 5:3

Donge adiera ema Ruoth Nyasaye dwaro? Ne ogoyou piny, to ne ok udewo. Ne osandou malit, to ne utamoru winjo puonjne. Wiu tek ka lwanda, kendo udagi duogo ire,

Rapar mar Chik 21:18

“Kapo ni ng’ato nigi wuowi ma wiye tek kendo ma achach, ma ok nyal winjo jonywolne, kata da gikume,

Rapar mar Chik 21:20

Giniwach ni jodongo niya, ‘Wuodwani wiye tek, kendo en achach. Ok otim gima wawachone, bende timbene richo kendo ojamer.’

Jo-Hibrania 12:15

Ritreuru mondo une ni onge ng’ato kuomu molal, kendo oweyo ng’wono mar Nyasaye, bende kik sigu moro bed e kindu, manyalo kelo chandruok, mi keth ji mang’eny.

Jakobo 1:22

To kik uwuondru, kuwinjo wach awinja, to beduru joma timo gima uwinjo.

Fweny 3:19

Joma ahero ema akwero kendo akumo. Emomiyo ket chunyi mondo ilokri iwe richoni.