Ngeche 15:31 - MUMA MALER 2015

³¹ Ng’at ma chiko ite kikwero bedo e kanyakla mar joma riek.

Motingʼo Loko Manyien

³¹ Ngʼat machiko ite kikwere biro bedo thuolo e kind joma riek.

Ngeche 15:31 ပူးပေါင်းရင်းမြစ်များ

Ngeche 15:5

Ng’at mofuwo ochayo puonj wuon mare, to ng’at mariek winjo kikwere gimoro.

Ngeche 25:12

Siem ma ng’at mariek siemogo ng’at ma chiko ite, ber moloyo tere mar dhahabu, kata tigo molos gi dhahabu.

Ngeche 19:20

Chik iti ni rieko ming’adoni, kendo yie mondo opuonji, eka chieng’ moro nibed mariek.

Ngeche 13:20

Kibedo e kanyakla mar joma riek, eka ibedo mariek, to kimako osiep gi joma ofuwo to ihinyori.

Ngeche 1:23

Chikuru itu ka akwerou gimoro. Abiro ng’adonu rieko, kendo abiro puonjou wechena,

1 Johana 2:19

Ne giweyowa nikech ne ok gin jowa, to ka dine gibed jowa, to dine gisiko kodwa. To ne giweyowa mondo ong’ere malong’o ni giduto ok gin jowa.

Isaya 55:3

Biuru ira mondo uchik itu ni gima awacho. Adier, winjuru wachna mondo ubed mangima. Eka abiro timo kodu singruok mochwere, ka asingora ni abiro herou gi chunya duto, kaka ne ahero Daudi.

Ngeche 15:30

Wang’ mamor duogo chuny, kendo wach maber miyo del bedo mangima.

Ngeche 15:32

Ng’at ma tamore puonj hinyore kende owuon, to ng’ama yie kikwero medo bedo mariek.

Ngeche 18:15

Joma weche donjonigi dwaro mondo opuonjre, kendo gichiko itgi mondo kik wach moro kadhnigi.

Eklesiastes 7:5

Ber mondo ng’at mariek okweri gimoro, moloyo yudo pak kuom joma ofuwo,

Ngeche 13:18

Ng’at madagi ni kik rieye bedo mana jachan, kendo yudo wichkuot, to ng’at machiko ite ka ikwero, yudo duong.