Ngeche 15:13 - MUMA MALER 2015

¹³ Ka ng’ato mor, to obwonjo. Ka en gi parruok to chunye nyosore.

Motingʼo Loko Manyien

¹³ Chuny mamor miyo wangʼ bedo gi mor, to chuny mokuyo miyo dhano bedo mool.

Ngeche 15:13 ပူးပေါင်းရင်းမြစ်များ

Nehemia 2:2

Ruoth nopenja ni “Ang’o momiyo isin, to ok ituo? Nyaka bed ni chunyi chandore.” Kane awinjo kamano, luoro nomaka.

Ngeche 12:25

Parruok miyo chuny ng’ato bedo mool, to weche mabeyo miyo chunye duogo.

Ngeche 14:30

Chuny mokue ema miyo del bedo mangima. Nyiego to chalo adhola ma ketho del.

Ngeche 15:15

Ngima mar jachan en thagruok mochwere. Chuny motegno to mor amora pile.

Ngeche 17:22

Chuny mamor kelo ngima maber, to chuny mool kelo tuo.

Ngeche 18:14

Chuny man gi chir ema konyo ng’ato ka tuo. To ka chuny ng’ato ool to konye tek.

Johana 14:1

Bang’ mano Yesu nowachonigi niya, “Kik chunyu parre. Yieuru kuom Nyasaye, to kuoma bende yieuru.

2 Jo-Korintho 1:12

To gimoro achiel mamiyowa mor en ni: wang’eyo malong’o e chunywa ni adier mar Nyasaye ema osetelonwa e kindwa gi ji, to moloyo to wasebet kamano mana kuom ng’wono mar Nyasaye, to ok kuom rieko mar dhano.

2 Jo-Korintho 2:7

omiyo koro onego uwene kethone, kendo uduog chunye, nono to kuyo malit ohewe.

2 Jo-Korintho 7:10

Kuyo ma ng’ato bedogo e yo ma Nyasaye dwaro, miyo olokore, kendo kelone warruok maonge ywago ang’e. Kuyo mar piny to kelo tho.