Ngeche 14:8 - MUMA MALER 2015

⁸ Rieko mar ng’at mariek, nyise yo makare monego oluw, to fup joma omemore, miyo gibayo yo.

Motingʼo Loko Manyien

⁸ Rieko mar jorieko en bedo gi paro ne yoregi, to fup joma ofuwo en wuondruok.

Ngeche 14:8 ပူးပေါင်းရင်းမြစ်များ

Zaburi 111:10

Luoro Nyasaye e chakruok mar rieko, kendo joma timo kamano yudo rieko mang’eny. Nyaka pake mochwere!

Zaburi 119:5

Mano kaka ageno ni abiro luwo chikeni maber.

Zaburi 119:73

A Ruoth Nyasaye, in ema ne ichueya, kendo irita maber.

Zaburi 143:8

Nyisa herani mosiko gokinyi, nimar ageno kuomi, yaye Ruoth Nyasaye. Bende nyisa yo monego aluw, niikech kuomi ema aketoe chunya duto.

Ngeche 11:18

Ohala ma jaricho yudo ok konye, to ng’at makare yudoo pok man gi ohala.

Ngeche 12:5

Joma kare pile timo ni jowadgi maber. Joricho to wuondo jowadgi awuonda.

Ngeche 15:21

Joma ofuwo mor amora gi fupgi, to ng’at mariek timo mana gima ber.

Ngeche 2:9

Ka iwinjo wachna, to ining’e gima ber makare kendo mowinjore. Pile inibed king’eyo gima onego itim.

Ngeche 8:20

An atimo timbe makare, kendo ang’ado bura kare,

Eklesiastes 2:13

Adier, ang’eyo ni rieko ber moloyo fuwo mana kaka ler ber moloyo mudho.

Eklesiastes 2:16

Onge ng’ama paro joma riek kosetho, mana kaka joma ofuwo bende ok par. Wan duto wich biro wil kodwa e ndalo mabiro. Joma riek gi joma ofuwo nyaka tho duto machalre. Ee, waduto nyaka watho!

Jeremia 13:20

Un jo-Jerusalem, neyeuru! Wasiku biro, koa malo yo nyandwat. Ere oganda mane chalonu gi kweth maber, mane omiu mondo uriti?

1 Jo-Korintho 3:19

nikech rieko mar pinyni en mana fuwo e wang’ Nyasaye. Nitie wach moro e Muma mawuoyo kuom Nyasaye kama: “En ema omako jorieko gi riekogi giwegi.”

Jo-Efeso 4:22

Omiyo nyaka uwe kit ngimau machon, kendo ulony dhano machon mochomo tho nikech gombo ma ok ni kare.

Jo-Efeso 5:17

Kuom mano, kik ubed joma ofuwo, to temuru ng’eyo gima Ruoth dwaro.

2 Timotheo 3:13

To joma richo gi joma wuondore nomed bedo joma richo moloyo, ka giwuondo ji, kendo gin bende iwuondogi.

Jakobo 3:13

Ka ng’ato kuomu paro ni oriek kata ong’eyo gimoro, to ber mondo timne makare kendo mamuol onyis ni en ng’ama riek adier.