Ngeche 14:2 - MUMA MALER 2015

² Ng’at makare oluoro Ruoth Nyasaye. Ng’at ma achach to ochaye achaya.

Motingʼo Loko Manyien

² Ngʼat ma wuodhe oriere oluoro Jehova Nyasaye, to ngʼat ma yorene achach ochaye.

Ngeche 14:2 ပူးပေါင်းရင်းမြစ်များ

2 Samuel 12:9

Marang’o nichayo wach Ruoth Nyasaye, mitimo gima ok long’one? Isenego Uria ja-Hiti kuom golo chik otho e lwet jo-Amon, kendo isekawo chiege mi obedo chiegi.

1 Ruodhi 3:6

Solomon nodwoke niya, “Ninyiso hera mosiko ni Daudi wuora ma jatichni, mane wuotho e nyimi gi adiera, kendo kuom dimbruok gi chuny makare. Bende pod inyise hera mosikono nyaka chil kawuono, nimar isemiyo wuode obedo ruoth kare.

2 Ruodhi 17:34

Pod giluwo timbe machon-go nyaka chil kawuono. Ok giluoro Ruoth Nyasaye, bende ok giluw buchene gi yorene, kata mako puonjne, kata rito chik mane oketo ni nyikwa Jakobo, jal mane Ruoth Nyasaye oloko nyinge ni Israel.

Ayub 1:1

Ne nitie ng’at moro ma nyinge Ayub, mane odak e piny Uz. Ne en ng’at makare kendo maler, mane oluoro Nyasaye, kendo otang’ ni richo.

Ayub 12:4

Koda ka osiepena nyiera anyiera, kata obedo ni an ng’at makare kendo ma onge ketho, to chon an ema ne Nyasaye dwoko lemona.

Ayub 28:28

Bang’e nowacho ni dhano niya, ‘Ka idwaro bedo gi rieko, to nyaka iluor Ruoth Nyasaye, kendo ka idwaro bedo gi ng’eyo, to nyaka iwe richo.’

Zaburi 112:1

Pakuru Ruoth Nyasaye! Ng’at moluoro Ruoth Nyasaye, kendo marito chikene gi mor, en jahawi.

Zaburi 25:21

Onego berna gi adierana keta kama ber, nimar ageno kuomi.

Ngeche 11:12

Ng’at maonge gi rieko ema jaro jowadgi. Ng’at mong’eyo gik moko to ling’ aling’a.

Ngeche 16:17

Yo ma joma beyo luwo bor gi richo, omiyo rang kama iluwo mondo ires ngimani.

Ngeche 16:6

Bed gi luor kod adiera, eka Ruoth Nyasaye noweni richoni.

Ngeche 19:1

Ber bedo jachan ma timne kare, moloyo bedo jamoko ma wechene obam.

Ngeche 2:15

kendo gin joma yoregi ogajore ogajore.

Ngeche 28:6

Ber bedo jachan ma jaratiro oloyo bedo jamoko ma timbene obam.

Eklesiastes 12:13

Bang’ mago duto, gimoro achiel kende ema odong’ ma onego anyisi. En ni, luor Nyasaye, kendo rit chikene, nimar mano ema ne omiyo ochue dhano.

Luka 10:16

Eka Yesu nowacho ni jopuonjrene niya, “Ng’ama owinjou, owinjo mana an, to ng’ama odagiu, to odagi mana Jal mane oora.”

Luka 16:14

Jo-Farisai, ma gin joma ohero pesa ahinya, nowinjo wechego duto, mi onyiere anyiera.

Tich Joote 10:22

Ne gidwoke ni, “Jaduong’ lweny moro ma nyinge Kornelio ema oorowa. En ng’at makare, moluoro Nyasaye, kendo ma jo-Yahudi duto ogeno. To nonyise mondo oluongi idhi e ode, owinj ane wachni.”

Tich Joote 10:35

Oyie gi ng’ato ang’ata moluore, kendo matimo gik makare, bed ni oa e oganda mane!

Tich Joote 9:31

Kamano kanyakla mar jo-Kristo manie piny Judea duto gi Galili kod Samaria noyudo kue. Roho Maler nokonyogi, mi gidoko motegno, kendo gimedore, ka giluoro Nyasaye.