Ngeche 14:10 - MUMA MALER 2015

¹⁰ Chuny ng’ato ema ong’eyo gima litne, kata mor ma en go. Ng’at machielo to ok nyal ng’eyo.

Motingʼo Loko Manyien

¹⁰ Chuny ka chuny ongʼeyo litne owuon, to onge ngʼato machielo manyalo bedo e mor ma en-go.

Ngeche 14:10 ပူးပေါင်းရင်းမြစ်များ

Chakruok 42:21

Ne giwuoyo e kindgi giwegi, ka giwacho niya, “Adier, owinjore wayud kum kuom gima ne watimo ni owadwa. Ne waneno kochandore malit, to kane waneno kochandore, ne ok wadewe, mano emomiyo koro wanie chandruok.”

2 Ruodhi 4:27

Kane ochopo e got, nodhi ir ng’at Nyasaye, momako tiende, Gehazi nosudo mondo ogole, to ng’at Nyasaye nowachone niya, “Weye, nimar chunye chandore malit, to Ruoth Nyasaye osepandona wachne, mak onyisa.”

Ayub 10:1

Aol gi bedo mangima, omiyo koro abiro hulo chandruokna duto, nikech chunya lit.

Ayub 21:25

Ji moko to ok ne maber e ngimagi duto, kendo githo ka chunygi lit.

Ayub 7:11

Ooyo, ok daling’! Mirima ohinga, kendo chunya lit, omiyo nyaka alosi.

Ayub 9:18

Ok onyal weyo ayue, to otimona mana gik ma miyo chunya lit.

Zaburi 25:14

Ruoth Nyasaye en osiep joma oluore, kendo opuonjogi tiend singruokne.

Ngeche 15:13

Ka ng’ato mor, to obwonjo. Ka en gi parruok to chunye nyosore.

Ngeche 18:14

Chuny man gi chir ema konyo ng’ato ka tuo. To ka chuny ng’ato ool to konye tek.

Ezekiel 3:14

E kinde mane Roho oting’a malono, ne iya owang’, kendo abedo gi chuny lit, mi teko mar Ruoth Nyasaye nobiro kuoma.

Johana 12:27

“Koro chunya parore, to dawach ang’o? Dakwa Wuora mondo oresa kuom gima dwaro tima sanini? Ooyo, ok kamano, nikech mano e gimomiyo abiro e sani.

Johana 14:18

“Ok anaweu ka nyithi kiye, to anaduog iru.

Johana 14:23

Yesu nodwoke niya, “Ng’at mohera norit wachna. Wuora bende nohere, mi wanabi ire, kendo wadag kode.

Jo-Filipi 4:7

Eka kue mar Nyasaye modhiero ji ng’eyo norit chunyu gi parou, kubedo kuom Kristo.

1 Petro 1:8

Kata obedo ni pok uneno Yesu, to pod uhere ahera, bende kata obedo ni ok unene sani, to pod uyie ayiea kuome, kendo upong’ gi mor maduong’ mokadho awacha,

Fweny 2:17

“ ‘Ng’at man gi it to mondo owinj gima Roho wacho ni kanyakla mag jo-Kristo. Ng’at molocho to anami chiemo moko mopandi miluongo ni Manna, kendo anamiye kidi marachar mondikie nying manyien, maonge ng’at mong’eyo, mak mana jal monwang’e.

1 Samuel 1:10

Chuny Hana ne chandore, kendo nolamo Ruoth Nyasaye, koywakne malit.

1 Samuel 1:15

Hana nodwoke niya, “Ooyo jaduong’, an mana dhako ma chunye chandore. Ok asemadho kong’o kata gimoro ma nyalo mero ji, to achiwo chunya ni Ruoth Nyasaye.