Ngeche 14:1 - MUMA MALER 2015

¹ Mon mariek ema utegi obidhore, to mon mofuwo ketho utgi aketha.

Motingʼo Loko Manyien

¹ Dhako mariek gero ode, to dhako mofuwo muko ode gi lwete owuon.

Ngeche 14:1 ပူးပေါင်းရင်းမြစ်များ

1 Ruodhi 16:31

Ok noluwo mana richo mag Jeroboam kende, to gima rachie moloyo mane otimo, en ni nokendo Jezebel nyar Ethbaal ruodh jo-Sidon, kendo notiyo ni Baal, kolame.

2 Ruodhi 11:1

Kane Athalia min Ahazia oneno ni wuode osetho, nonego joka ruoth duto.

Ngeche 19:13

En masira bedo wuon wuowi mofuwo. Dhako ma ralep bende chalo gi pi maton ma ok chogi.

Ngeche 21:19

Ber dak e thim oko, moloyo dak gi dhako maralep makwiny.

Ngeche 21:9

Ber dak e kiru, moloyo dak e ot maduong’ gi dhako maralep.

Ruth 4:11

Eka jodongo, kaachiel gi ji duto mane nie dhorangach, nowacho niya, “Wan joneno. Ruoth Nyasaye mondo oguedh dhako ma donjo e odino, obed machal gi Rahel kod Lea, mon ariyo ma nogero dhood Israel. Bende in mondo iyud duong’ e Efratha, kendo ibed gi pak mathoth e Bethlehem.