Ngeche 13:3 - MUMA MALER 2015

³ Ng’at marito dhoge reso ngimane, to ng’at ma rodho wach arodha tiekore kende owuon.

Motingʼo Loko Manyien

³ Ngʼatno morito dhoge orito ngimane, to ngʼatno ma wuoyo karodho wach biro dhiyo e kethruok.

Ngeche 13:3 ပူးပေါင်းရင်းမြစ်များ

Zaburi 141:3

A Ruoth Nyasaye, ket jarit e dhoga, mondo orita, kik awach gima ok owinjore.

Zaburi 34:13

Ka kamano, to nyaka ugeng’ lewu kuom weche maricho, kendo dhou kik wach miganga.

Zaburi 39:1

Ne awacho niya, “Abiro ritora kuom gik ma atimo, mondo kik awach gimoro marach. Ok anawuo ka joricho ni machiegni.”

Ngeche 10:14

Joma riek, yudo rieko duto ma ginyalo nwang’o. Ng’at mofuwo kawuoyo, to chandruok ema chiegni.

Ngeche 10:19

Ka iwuoyo mang’eny to ichiegni gi richo. Ng’at mariek to ling’ aling’a.

Ngeche 10:8

Joma riek luwo puonj makare, to joma wechegi ofuwo biro rumo.

Ngeche 12:13

Weche jaricho mako mana en owuon. Ng’at modimbore to tony atonya e chandruok.

Ngeche 13:4

Ng’at ma jasamwoyo nyalo dwaro gimoro ahinya, to ok onyal yudo. Jakinda to yudo gik moko duto ma odwaro.

Ngeche 14:3

Weche ng’at mofuwo kelone mana kum. Weche ng’at mariek to konye e thagruok.

Ngeche 18:21

Weche ma ng’ato wacho nyalo kelo ngima, to bende ginyalo kelo tho. Kuom mano, rit dhogi maber mondo wecheni okonyi.

Ngeche 18:7

Ka ng’at mofuwo wuoyo, to otiekore kende. Wechene owuon ema make.

Ngeche 20:19

Ng’at ma jafuong’ wach ok kan weche maling’ling’, omiyo bed mabor gi ng’ama ok rit dhoge.

Ngeche 21:23

Ka ok idwar ni iyud chandruok, to rit lewi.

Jakobo 1:26

Ka ng’ato galo ni en jalemo maber to ok orito lewe, to mano owuondore awuonda, kendo lemo mare onge tich.

Jong’ad Bura 16:11

Samson nodwoke niya, “Ka itueya gi tonde manyien ma pok otuechgo to anyalo bedo mana machalre gi ng’ato ang’ata.”

Jong’ad Bura 16:17

Omiyo nohulone adiera, konyise niya, “Nyaka ne nywola mirich pok okayo wiya, nikech an ja-Nazir, ng’at mowal ni Nyasaye. Koliela, to tekona dirum, kendo anyalo bedo mana machalre gi ji mamoko.”