Ngeche 13:25 - MUMA MALER 2015

²⁵ Joma kare nigi chiemo moromogi. Joricho to denyo ndalo duto.

Motingʼo Loko Manyien

²⁵ Joma kare chiemo moromo kaka chunygi dwaro, to ii ngʼat marach nigi kech.

Ngeche 13:25 ပူးပေါင်းရင်းမြစ်များ

Zaburi 103:5

En ema omiya gik mabeyo mogundho e ngimana, omiyo anenora ng’ama pod tin, kendo man gi teko ka sibuor, kata ka ongo.

Zaburi 132:15

Abiro guedho jo-Sayun gi gik moko duto ma gidwaro, bende abiro miyo joge ma jochan chiemo moromogi.

Zaburi 34:10

Kata mana sibuoche bende chando gik ma gicham, mi kech hew, to joma oluoro Ruoth Nyasaye ok chand gimoro amora maber.

Zaburi 37:16

Gik matin ma ng’at maber nigo, oloyo mwandu mathoth ma joma timbegi richo nigo,

Zaburi 37:3

Gen kuom Ruoth Nyasaye mondo itim maber, eka idag e piny gi kue.

Ngeche 10:3

Ruoth Nyasaye ok we kech neg ng’at makare. Jaricho to otuono gik modwaro.

Ngeche 13:18

Ng’at madagi ni kik rieye bedo mana jachan, kendo yudo wichkuot, to ng’at machiko ite ka ikwero, yudo duong.

Ngeche 24:34

to e sa mapod onindoeno, dhier biro gore kuome apoya, ka jamecho momanore gi gilweny.

Ngeche 6:11

To e sa mapod inindono, dhier biro monji, mana ka jamecho momanore gi gilweny!

Luka 15:14

Kane osetieko pesane duto kamano, kech maduong’ nowuok e pinyno, mi nodoko jachan machandore.

Rapar mar Chik 28:48

Emomiyo unuti ni wasigu ma Ruoth Nyasaye biri oro mondo omonju. Kech nokau, kendo riyo nolou; unuwuoth duge, kendo nuchand gimoro amora. Ruoth Nyasaye noket jok mar nyinyo e ng’utu nyaka otieku.

Rapar mar Chik 32:24

mi kech nokagi, kendo midhusi notuogi, kendo tuoche maricho nogogi, bende naol kuomgi ondiegi mangemo, kod thuonde man gi kwiri mager.

2 Jo-Thesalonika 3:10

Adier, kane wan kodu to ne wamiyou chik ni ka ng’ato ok dwar mondo oti, to kik ochiem.

1 Timotheo 4:8

Ing’eyo ni ka ng’ato oketo chunye kuom tuke mag rieyo del, to mano konye mana e yore moko kende, to ka ng’ato oketo chunye kuom luoro Nyasaye, to mano konye e yore duto nikech okelone gueth e ngima ma sani, kendo e ngima mabiro bende.

Jo-Hibrania 13:5

Kik ubed joma ohero pesa, to gik ma un-go ema mondo oromu, nikech Nyasaye owuon osewacho niya, “Ok anaweyi, kata jwang’i ok anajwang’i ngang’.”