Ngeche 13:21 - MUMA MALER 2015

²¹ Chandruok luwo joricho kuonde duto. Joma kare to yudo gik mabeyo.

Motingʼo Loko Manyien

²¹ Chandruok luwo jaricho, to mwandu e ohand ngʼat makare.

Ngeche 13:21 ပူးပေါင်းရင်းမြစ်များ

Chakruok 4:7

Kitimo maber, donge diyieni? To kitimo marach, to richo okichore e dhoodi, mondo oloyi. To in nyaka item matek mondo iloye.”

Zaburi 140:11

Onego joma hango jowetegi kayiem nono kik lochi, kendo masira mondo omak jomahundu, mi tieki.

Zaburi 32:10

Joricho biro yudo thagruok, to hera mosiko mar Ruoth Nyasaye rito joma ogeno kuome.

Zaburi 54:5

Richo wasika onego odog e wigi giwegi! A Ruoth Nyasaye, tiekgi nikech in jaadiera.

Ngeche 11:31

Ka ng’at maber yudo pokne e piny ka, to ong’ere ni jaricho noyud kum mak orem.

Ngeche 13:13

Kitamori winjo puonj, to idwaro mana chandruok, to kiwinjo gima iwachoni, to iyudo pok maber.

Ngeche 17:13

Kitimo marach ni ng’at mosetimoni maber, to masira ok norum e odi.

Ngeche 24:16

Ng’at makare nyalo podho ndalo mang’eny, to pod ochako ochung’ achung’a kendo. Jaricho to masira achiel kende ema tieko.

Isaya 47:11

Kuom mano masira biro maki, kendo ok ning’e kaka dithiedhri. Adier, masira biro nyori, kendo ok ning’e misango minyalo geng’ego. Ee, masira biro poyi, mi tieki pep!

Ezekiel 7:5

“An Ruoth Nyasaye awacho kama: Koro masiche mang’eny biro makou.

Kwan 32:23

To ng’euru ni ka ok utimo kamano, to unubed joketho e nyim Ruoth Nyasaye, kendo richou nokelnu kum.

Tich Joote 28:4

Kane joma odak e chulano oneno ka thuol omoko e lwet Paulo kamano, ne giwacho niya, “Nyaka bed ni jali osenego ng’ato, to kata obedo ni osetony mak otho e nam kamano, to Nyasachwa makare ok noweye okwo!”