Ngeche 13:2 - MUMA MALER 2015

² Joma kare nomi pok maromre gi gik ma giwacho. Jomriambo to gombo mana miero.

Motingʼo Loko Manyien

² Ngʼat makare yudo pok maber kaluwore gi gik mowacho, to ngʼatno ma ok ja-adiera nigi gombo mar miero.

Ngeche 13:2 ပူးပေါင်းရင်းမြစ်များ

Zaburi 140:11

Onego joma hango jowetegi kayiem nono kik lochi, kendo masira mondo omak jomahundu, mi tieki.

Zaburi 75:8

Ruoth Nyasaye oting’o kikombe mar divai mochiek makech e lwete, kendo ogamo ni ji mondo omadhi. Joricho duto onego madhe pep, koda ka duche!

Ngeche 1:18

Kamano e kaka joricho chiko obadho ni gin giwegi kendo gin ema gimokoe.

Ngeche 1:31

Kuom mano, unuyud gima owinjore kodu, kendo timbeu uwegi noromu!

Ngeche 10:11

Weche ng’at makare, gin soko mar ngima, to weche jaricho, pando masira e igi.

Ngeche 11:23

Joma kare dwaro mana gik makelo gueth. Geno mar joricho to ok kony gimoro.

Ngeche 12:14

Pok ma ng’ato yudo romre gi weche mowacho kendo gi gik motimo.

Ngeche 18:20

Weche duto mawuok e dho ng’ato duogo e wiye owuon.

Ngeche 18:21

Weche ma ng’ato wacho nyalo kelo ngima, to bende ginyalo kelo tho. Kuom mano, rit dhogi maber mondo wecheni okonyi.

Ngeche 4:17

Mahundu gi timbe mamono e chiembgi.

Hosea 10:13

To kar timo kamano, ne uchuoyo mana timbe maricho, mi richo ema ukayo, kendo usechamo olemo ma miriambou onyago. “To nikech ne ugeno yoreu uwegi, kendo ne ugeno kuom jolwenju marateke mathoth,

Habakuk 2:17

Timbe mahundu, mane utimo ni Lebanon, kendo nek mane unegogo le man kuno nodog e wiu, kendo nomi udhier nono, nikech usechuero remo e piny kendo e mier, bende usetimo timbe mahundu ni joma odakie duto.

Habakuk 2:8

Kaka ne uyako ogendini mang’eny, e kaka ogendini duto bende noyaku, nikech remo mane uchuero kod timbe mahundu mane utimo e piny kendo e mier, kusandogo joma odakie.

Fweny 16:6

nikech joma nochuero remb jo-Nyasaye kod jonabi isemiyo remo mondo omadhi!”