Ngeche 13:16 - MUMA MALER 2015

¹⁶ Ng’at mariek, paro matut ka pok otimo gimoro. Ng’at mofuwo to nyiso mana fupe.

Motingʼo Loko Manyien

¹⁶ Ngʼato ka ngʼato mariek timo gik moko kuom ngʼeyo, to ngʼat mofuwo nyiso mana fupe.

Ngeche 13:16 ပူးပေါင်းရင်းမြစ်များ

Zaburi 112:5

Ng’at makonyo ji gi chuny maler, kendo matiyo tijene e yo modimbore, en jahawi!

Ngeche 14:33

Rieko nie chuny ng’at ma weche donjone. Joma ofuwo to kia rieko.

Ngeche 15:2

Ka ng’at mariek wuoyo to wachne lombo ji. Ng’at mofuwo to rodho weche maonge tich.

Ngeche 18:2

Ng’at mofuwo ok dew kata ka owinjo gimoro, kata ka ok owinjo. Riekone kende ema odwaro nyiso.

Ngeche 21:24

Jasunga e nying mowinjore gi ng’ama kawore ma wang’e tek, kendo ma ok dew ji.

Eklesiastes 10:13

Ochako wuoyo gi weche mofuwo, to otieko gi weche maricho mag neko,

Eklesiastes 10:3

Fupe nenore anena kata mana kowuotho e yo, omiyo ji duto ng’eyo ni en ng’at mofuwo.

Isaya 52:13

Winjuru! Jatichna biro dhi nyime maber. Enoting’e malo, kendo nomiye duong’ mang’ongo.

Mathayo 10:16

“Winjuru! Aorou mana ka rombe madhi e dier ondiegi. Emomiyo beduru mariek ka thuol, kendo beduru mamuol ka akuru.

Jo-Rumi 16:19

Ji duto osewinjo ni umako Wach Maber; mano emomiyo amor kodu. Adwaro ni mondo udok joma riek korka timo gima ber, to ubed joma ofuwo korka timo gima rach.

1 Jo-Korintho 14:20

Owetena, kik ubed gi paro machalo paro nyithindo. Beduru ka nyithindo e weche mag richo, to nyaka ubed joma dongo gi parou.

Jo-Efeso 5:17

Kuom mano, kik ubed joma ofuwo, to temuru ng’eyo gima Ruoth dwaro.

1 Samuel 25:17

Emomiyo koro, par gima onego itim, nikech gima rach biro timore ni ruodhwa. To nimar ing’eyo ni en ng’at machach, kendo onge ng’ama nyalo wuoyo kode.”

1 Samuel 25:25

Ruoth, kik idew ng’at ma achach miluongo ni Nabal, nikech ochalo gi nyinge. Nabal e nyinge, kendo orabala adier. To an, ne ok aneno yawuowi ma nioro.