Ngeche 13:10 - MUMA MALER 2015

¹⁰ Sunga ok kel gimoro, to okelo mana miero, omiyo ber mondo ng’ato odwar rieko kuom ji.

Motingʼo Loko Manyien

¹⁰ Sunga nywolo mana dhawo, to rieko iyudo kuom jogo moyie puonj.

Ngeche 13:10 ပူးပေါင်းရင်းမြစ်များ

1 Ruodhi 12:16

Kane jo-Israel oneno ni ruoth ok odewogi, ne gidwoke niya, “Waonge wat gi Daudi! Ok wan libamba achiel gi wuod Jesse! Wadoguru dala, wan jo-Israel. Un oganda Daudi, koro rituru mana dhoodu.”

2 Ruodhi 14:10

Adieri, iseloyo jo-Edom, mi koro ipakori. Pakruoknino mondo oromi, to ibedgo mana e dala. Ang’o momiyo iero miero ma biro tieki, kaachiel gi jo-Juda?”

Ngeche 13:11

Mwandu moyudi e yo mayot lal piyopiyo, to mwandu mitiyone matek medore ameda.

Ngeche 13:9

Joma kare chalo ler mang’angni. Joricho chalo ler madwaro tho.

Ngeche 17:14

Chakruok mar miero chalo gi pi mochako chuer, omiyo nyaka geng’e ka pok omwomo.

Ngeche 19:20

Chik iti ni rieko ming’adoni, kendo yie mondo opuonji, eka chieng’ moro nibed mariek.

Ngeche 20:18

Kiyie mondo ji ong’adni rieko to in idhi nyime maber, omiyo kik ibuk lweny ka pok iikori maber.

Ngeche 21:24

Jasunga e nying mowinjore gi ng’ama kawore ma wang’e tek, kendo ma ok dew ji.

Ngeche 25:8

Kik irikni hulo ni ng’ato gimoro amora mineno, dipo ka wadu moro obiro mong’eng’i marach.

Ngeche 28:25

Ng’at ma iye lit kelo miero, to ng’at ma ogeno kuom Ruoth Nyasaye dhi maber.

Luka 22:24

Mbaka nowuok e kind jopuonjre ka gipenjore ni en ng’a ma kwano ka ng’ama duong’ moloyo kuomgi.

1 Timotheo 6:4

to mano nyiso ni en ng’at ma jasunga, kendo ok ong’eyo gimoro. Oowore mana gi mino wach, kod goyo mbaka makelo nyiego, gi dhaw, gi hango wach, gi chich maricho mamiyo ji parruok,

Jakobo 4:1

Ang’o makelo lweny kod dhaw duto manie kindu? Donge giwuok kuom gombou makedo e dendu pile mondo utim dwarogi?

Jong’ad Bura 19:30

Nowacho ni joma nooro ni mondo openj jo-Israel duto kama: “Bende gima kama osetimoree kata oseneye chakre ndalo mane jo-Israel owuokie Misri nyaka chil kawuono? Paruru wachni, kendo uchiw parou.” Kamano ng’ato ka ng’ato ma nonenogi nowacho niya, “Gima chal kama pok otimore kata pok one nyaka nene!”