Ngeche 13:1 - MUMA MALER 2015

¹ Wuowi mariek winjo puonj wuon mare. Ng’at ma wang’e tek to ok yie kethone.

Motingʼo Loko Manyien

¹ Wuowi mariek winjo puonj wuon mare, to ngʼat ma wangʼe tek ok winj wach kikwere.

Ngeche 13:1 ပူးပေါင်းရင်းမြစ်များ

1 Ruodhi 22:43

Jehoshafat noluwo timbe duto mag Asa wuon mare, ma ok oweyo kata achiel, kendo timbene ne long’o e nyim Ruoth Nyasaye. To hembko mane ni kuonde moting’ore ne ok okethi, kendo ji ne pod timo misengni kendo wang’o ubani kuondego.

Ngeche 10:1

Ngeche moko mag Solomon: Wuowi mariek miyo wuon mare bedo mamor, to wuowi mofuwo miyo min mare chuny lit.

Ngeche 12:15

Pile ng’at mofuwo paro ni en kare. Joma riek to chiko itgi ni puonj.

Ngeche 14:6

Ng’at ma jasunga ok nyal bedo mariek. Ng’at ma weche donjone to puonjore piyopiyo.

Ngeche 15:12

Ng’at ma jasunga ok dwar mondo okwer, omiyo ok odhi ir joma riek mondo ong’adne rieko.

Ngeche 15:20

Wuowi mariek miyo wuon mare mor. Ng’at ma charo min to ofuwo.

Ngeche 15:5

Ng’at mofuwo ochayo puonj wuon mare, to ng’at mariek winjo kikwere gimoro.

Ngeche 7:24

Koro in wuoda, chik iti mondo iwinj gima awachoni.

1 Samuel 2:25

Ka ng’ato oketho ni wadgi, Nyasaye nobedne jathek, to ka ng’ato oketho ni Ruoth Nyasaye to ere ng’ama nokonye?” To ne gidagi winjo dwond wuon-gi, nimar Ruoth Nyasaye noseng’ado ni mondo githo.